Prezident Ukrainy Uładzimir Zialenski pryniaŭ z dakładam kiraŭnika Słužby źniešniaj raźviedki Ukrainy Aleha Ivaščanku. Padčas hetaj razmovy było siarod inšaha abmierkavana pytańnie nibyta raźmiaščeńnia na terytoryi Biełarusi rasijskich rakietnych kompleksaŭ «Arešnik».
«Raźviedka atrymała bolš padrabiaznuju infarmacyju pra heta, i važna, kab partniory taksama viedali i ŭličvali heta ŭ svaich abaronnych krokach. My ličym, što ahresiŭnaje raspaŭsiudžvańnie takoj zbroi niasie hłabalnuju pahrozu i stvaraje niebiaśpiečny precedent. Daručyŭ rychtavać sumiesna z partniorami varyjanty adkazaŭ», — paviedamiŭ Uładzimir Zialenski ŭ svaim telehram-kanale.
Pierad hetym 18 śniežnia, vystupajučy na Usiebiełaruskim narodnym schodzie, Alaksandr Łukašenka zajaviŭ, što rakietny kompleks «Arešnik» prybyŭ u Biełaruś za dzień da taho i ŭžo stavicca na bajavoje dziažurstva. Pavodle jaho słoŭ, pieršyja pazicyi ŭžo abstalavanyja hetym kompleksam. 24 śniežnia Łukašenka zasłuchaŭ dakład ministra abarony Viktara Chrenina, u jakim siarod inšaha taksama išła havorka pra pastanoŭku «Arešnika» na bajavoje dziažurstva.
Akramia prablemy «Arešnikaŭ», Zialenski i Ivaščanka abmierkavali sproby Rasii abyści mižnarodnyja sankcyi ŭ enierhietyčnaj śfiery. Dla hetaha vykarystoŭvajucca časovyja «ŭładalniki», fiktyŭnyja kampanii i składanyja jurydyčnyja schiemy. Ukrainskaja raźviedka adsočvaje takija dziejańni i maje namier infarmavać partnioraŭ, kab sankcyjny cisk zastavaŭsia efiektyŭnym i nie dazvalaŭ Rasii atrymlivać dachody padčas vajny praz machinacyi.
Taksama było zakranuta pytańnie stanu rasijskaj vajskovaj vytvorčaści i jaje supracoŭnictva z zamiežnymi kampanijami. U pryvatnaści, zafiksavana ŭzmacnieńnie kantaktaŭ Rasii z asobnymi strukturami ŭ Kitai, jakija mohuć pieradavać danyja kaśmičnaj raźviedki. Adznačajecca, što ŭ niekatorych vypadkach nazirałasia supadzieńnie pamiž zdymkami terytoryi Ukrainy kitajskimi spadarožnikami i rasijskimi ŭdarami pa enierhietyčnych abjektach. Takuju dziejnaść va Ukrainie razhladajuć jak faktar, jaki dapamahaje Rasii zaciahvać vajnu i źnižaje surjoznaść dypłamatyčnych namahańniaŭ. Pra hetyja fakty taksama płanujecca vieści razmovu z partniorami.
Z učarašniaha dnia ŭ Biełarusi nibyta znachodzicca «Arešnik»
Łukašenka vykazaŭsia pra raźmiaščeńnie «Arešnika»
Zialenski: Ukraina viedaje, dzie ŭ Biełarusi budzie raźmieščany «Arešnik», i pieradaje danyja partnioram
Łukašenka nie pretenduje na bolš čym dziasiatak «Arešnikaŭ»
Chrenin raskazaŭ Łukašenku pra zastupleńnie na bajavoje dziažurstva «Arešnika»
Ciapier čytajuć
U Francyi ad śpioki zahinuŭ dalnabojščyk z Dokšycaŭ2
Kamientary