U Baranavičach hałoŭnuju navahodniuju jołku zapalvaŭ elf na pažarnaj drabinie VIDEA
U Baranavičach kreatyŭna padyšli da adkryćcia hałoŭnaj haradskoj navahodniaj jalinki: ahni na joj zapaliŭ elf, jaki padniaŭsia da vierchaviny pa pažarnych aŭtamabilnych drabinach. Videa hetaj padziei stała virusnym u sacyjalnych sietkach, piša BiełTA.
Jak raskazała načalnica adździeła kultury Baranavickaha harvykankama Natalla Michalčyk, mierapryjemstva pryciahnuła ŭvahu nie tolki miascovych žycharoŭ, ale i ludziej z-za miežaŭ horada. Miuzikł pad nazvaj «Pa-konskim nakazie», pryśviečany Hodu Kania, pravodzicca ŭ Baranavičach užo treci hod, i kožny raz jon adroźnivajecca ad papiarednich. Ideja śpiektakla farmavałasia ŭ tvorčych dyskusijach: źmianialisia hieroi, kaściumy i navat farmat pryjezdu Dzieda Maroza i zapalvańnia ahnioŭ na jalincy.
U miuzikle ŭziali ŭdzieł kala 300 čałaviek. Z dapamohaj štučnaha intelektu «ažyła» skulptura kania kala hatela «Haryzont», jakaja pryviała Dzieda Maroza na płošču.
Pažarniki dali dla padjomu elfa aŭtamabilnyja drabiny, a adzin z supracoŭnikaŭ miascovaha adździeła pa nadzvyčajnych situacyjach apranuŭ kaścium elfa, pad jakim nasiŭ kasku dla biaśpieki.
U kulminacyjny momant elf padyšoŭ da vierchaviny jołki, dakranuŭsia da hałoŭnaj zorki i zapaliŭ usie ahni. Hetaja scena spadabałasia karystalnikam sacsietak.
Hałoŭnaja jołka Baranavičaŭ vyšynioj 30 mietraŭ sabranaja z 60 žyvych jalinak vyšynioj pa 3—4 mietry.
Na Kalady i Novy hod biełarusaŭ Vilni i Varšavy zaprašajuć na kancerty
Jak rabili Śniežnuju karalevu dla handlovaha centra Galleria VIDEA
Stała viadoma, chto stanie chedłajnieram kancerta kala minskaha Pałaca sportu 1 studzienia
Što nieabchodna, kab navahodniaja hirlanda nie zaharełasia
Žychary šmatpaviarchovika skinulisia i samastojna ŭpryhožyli padjezd da Novaha hoda — tolki pahladzicie
Kamientary