Ejsmant pasprabavała patłumačyć, čamu Łukašenka rehularna niekudy prapadaje. Heta ŭsio z-za niaspynnych dakładaŭ
Pres-sakratarka Alaksandra Łukašenki Natalla Ejsmant dała intervju telekanału «Pieršy infarmacyjny», u jakim patłumačyła, čamu časam zdajecca, što jaje načalnik niekudy źnikaje ź infarmacyjnaha pola. Ničoha niezvyčajnaha, maŭlaŭ, u hetym niama.
Adsutnaść žyvoha Łukašenki ŭ infarmacyjnym poli ŭ niekatoryja dni, pa viersii Ejsmant, źviazanaja ź jahonaj pastajannaj pracaj, źviazanaj z atrymańniem dakładaŭ i abmierkavańniem važnych pytańniaŭ.
«Niejkija dakłady my z vami i vy ŭ pryvatnaści ŭ svaich srodkach masavaj infarmacyi aśviatlajecie, niejkija my dajem čysta tematyčna. Ale heta taksama vielmi važny praces dla taho, kab usia kraina čuła i razumieła, pra što dakładvajuć prezidentu i što ŭ vyniku daručaje prezident. I, naturalna, jość dakłady, pra jakija my nie raskazvajem šyroka ŭ srodkach masavaj infarmacyi», — abmalavała Natalla Ejsmant śpiecyfiku biahučaha momantu.
Uvohule ž dakładaŭ Łukašenku robicca, maŭlaŭ, našmat bolš za tuju kolkaść, jakaja traplaje ŭ naviny.
Nie abyšła pres-sakratarka i apošniaje zamiežnaje turne Łukašenki, padčas jakoha jon, znachodziačysia ŭ Amanie, na niekalki dzion načysta źnikaŭ. U hetym nibyta taksama nie było nijakaha adchileńnia ad normy:
«Znachodziačysia ŭ roznych krainach śvietu, pracujučy ŭ roznych krainach śvietu, prezident, naturalna, byŭ u kursie absalutna ŭsiaho, što adbyvajecca. Pa śpiecyjalnaj mabilnaj suviazi jon pieryjadyčna razmaŭlaŭ z roznymi słužbovymi asobami. Ale heta, viadoma, byli apieratyŭnyja dakłady, toje, što patrabavała ŭvahi prezidenta ŭ toj ci inšy momant».
Taki samy napružany rytm vytrymlivajecca i paśla viartańnia ŭ Biełaruś:
«Jašče ŭ niadzielu ŭviečary prezident pracavaŭ i razmaŭlaŭ pa samych apieratyŭnych temach z mnohimi ludźmi. Uvieś paniadziełak u prezidenta byŭ uklučany pracoŭny pult, prezident pracavaŭ, słuchaŭ dakłady roznych słužbovych asob. Ja, naturalna, viedaju nie ŭsio, ale dakładna viedaju, što vielmi doŭha prezident razmaŭlaŭ z premjer-ministram (jon źjaŭlajecca staršynioj arhkamiteta Usiebiełaruskaha narodnaha schodu).
Prezident zasłuchaŭ kiraŭnictva ŭsich asnoŭnych siłavych struktur i našych vajskovych viedamstvaŭ. My razumiejem, abstanoŭka — heta samaje hałoŭnaje. Kiraŭnictva palityčnaha štaba. Darečy, premjera nie tolki pa padrychtoŭcy da UNS prezident słuchaŭ, ale i pa ŭsich astatnich aktualnych pytańniach».
Łukašenka paśla Ałžyra znoŭ palacieŭ u krainu, dzie jaho doŭha nie mahli znajści
Łukašenka pakazaŭsia ŭ Amanie tolki na čaćviorty dzień vizitu — doma ŭ sułtana. Ź im Viktar i Kola
«I znoŭ kulhavy dyjabietyk z pastajannaj zadyškaj vyžylvajecca dy pniecca pakazać, što jon nie tolki hihant dumki»
Łukašenka patłumačyŭ, čamu jaho nie vidać pa sieradach i subotach
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary