Praz dva tydni Łukašenka znoŭ sustreŭsia z pasłom Vieniesueły ŭ Rasii
25 listapada Alaksandr Łukašenka prasiŭ pieradać kiraŭniku Vieniesueły, «siabru» Nikałasu Madura, što «my jaho zaŭsiody ŭ Biełarusi čakajem — čas užo jamu pabyvać tut, u Biełarusi». Siońnia Łukašenka pryniaŭ pasła paśla ŭzhadnieńnia «niekatorych pytańniaŭ» z Madura.
11 śniežnia Alaksandr Łukašenka pravioŭ sustreču z Nadzvyčajnym i Paŭnamocnym Pasłom Vieniesueły ŭ Rasii Chiesusam Rafaelem Sałasaram Viełaskiesam, piša BIEŁTA.
«Zusim niadaŭna my z vami abmiarkoŭvali šerah prablem u našych uzajemaadnosinach, ab situacyi vakoł Vieniesueły. Tady damovilisia ab tym, što vy pavinny ŭzhadnić niekatoryja pytańni z kiraŭnictvam Vieniesueły — Nikałasam Madura. My damovilisia, što paśla ŭzhadnieńnia niekatorych prablem, pytańniaŭ vy znojdziecie čas dla taho, kab pryjechać da mianie, jašče raz sustrecca, i kab my mahli ŭžo pryniać adpaviednaje rašeńnie, jakoje znachodzicca ŭ našaj kampietencyi. A kali treba, potym my padklučym prezidenta Vieniesueły», — skazaŭ Łukašenka.
Što majecca na ŭvazie, pakul nie viadoma.
Alaksandr Łukašenka 25 listapada ŭžo pravodziŭ sustreču z pasłom Vieniesueły ŭ Rasii i zajaviŭ, što adnosiny pamiž dźviuma krainami pavinny być bolš intensiŭnymi i prasunutymi. Jon paprasiŭ pieradać prezidentu Vieniesueły zaprašeńnie naviedać Biełaruś, ale taksama nie vyklučyŭ i mahčymaści svajho vizitu ŭ Vieniesuełu. «Ja budu ŭsialak imknucca da taho, kab znajści čas i naviedać Vieniesuełu. Časy prablemnyja, składanyja, ciažkija. Ale tym nie mienš ź lubych niavykrutak i situacyj možna znajści vychad, treba tolki imknucca da hetaha», — zajaviŭ Łukašenka na sustrečy ŭ listapadzie.
U hety ž čas prezident ZŠA Donald Tramp ciśnie na Maduru, kab toj pakinuŭ svaju pasadu.
Madura baicca vysokadakładnaha ŭdaru
Tramp daŭ Madura tydzień, kab toj pakinuŭ Vieniesuełu
U sutyknieńni z ZŠA Vieniesueła zastałasia praktyčna biez padtrymki Kitaja i Rasii
Tramp zajaviŭ pra zakryćcio pavietranaj prastory nad Vieniesuełaj
Jak vieniesuelskija bandy i afrykanskija džychadzisty zavalvajuć Jeŭropu kakainam
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3232
Kamientary