Valfovič: U Biełarusi ŭžo viedajuć čałavieka, jaki zapuskaŭ ź Litvy dron na Hrodna
Dziaržaŭny sakratar Rady biaśpieki Biełarusi Alaksandr Valfovič zajaviŭ, što čałaviek, jaki zapuskaŭ dron z terytoryi Litvy, užo nibyta ŭstanoŭleny pa zapisach kamier. Pra heta jon raskazaŭ u intervju telekanału «Pieršy infarmacyjny». Pa słovach Valfoviča, Biełaruś pieradała Litvie fota mierkavanaha apieratara bieśpiłotnika.
Valfovič śćviardžaje, što dron ź bieł-čyrvona-biełymi ściažkami zalacieŭ u Biełaruś mienavita ź Litvy, i nazyvaje zdareńnie pravakacyjaj. Jon paviedamiŭ, što pa zahadzie Łukašenki viadziecca padrabiaznaje rasśledavańnie i što «trajektoryja, zakładzienaja ŭ «mazhi» hetaha bieśpiłotnaha latalnaha aparata, była dakładna ŭskrytaja». Pa słovach čynoŭnika, bieśpiłotnik paśla Biełarusi nibyta pavinien byŭ nakiravacca ŭ Polšču, što, na jaho dumku, mieła metaj «sutyknuć iłbami abiedźvie dziaržavy».
Valfovič dadaŭ, što śpiecsłužby praciahvajuć pošuki čałavieka, jaki zapuskaŭ dron, a litoŭski bok prainfarmavany pra chod rasśledavańnia. Jon zaklikaŭ Litvu da supracoŭnictva i zajaviŭ, što biez uzajemadziejańnia śpiecsłužbaŭ i inšych siłavikoŭ urehulavać situacyju niemahčyma.
Dalej Volfavič pierajšoŭ da abvinavačvańniaŭ u bok Litvy, śćviardžajučy, što jaje ŭłady «pierabolšvajuć situacyju» z zalotami pavietranych šaroŭ i nie padajuć kankretnych dokazaŭ.
U Litvy, maŭlaŭ, «niama žadańnia vyrašać kanflikt», bo jon nibyta palityčna vyhadny dla susiedniaj krainy.
30 listapada biełaruskie MZS paviedamiła, što na terytoryju Biełarusi nibyta trapiŭ dron ź Litvy i ŭpaŭ u Hrodnie. Aficyjnyja struktury nazvali incydent «pradumanaj pravakacyjaj», a MUS zajaŭlała, što bieśpiłotnik, maŭlaŭ, vioŭ raźviedku i adnačasova skidaŭ «ekstremisckuju simvoliku», to-bok bieł-čyrvona-biełyja ściažki.
Litoŭski vytvorca Granta Autonomy pryznaŭ padabienstva drona da svajoj staroj madeli, ale adznačyŭ, što jon byŭ pierarobleny i nieviadoma jak trapiŭ u Biełaruś. Ministr abarony Litvy nazvaŭ biełaruskija abvinavačvańni fejkam.
U Hrodnie ŭpaŭ dron, jaki raskidaŭ bieł-čyrvona-biełyja ściažki. U hetym abvinavačvajuć Litvu
Prapahanda nakručvaje ŭsio bolš bielibierdy ŭ spravie bieśpiłotnika, jaki nibyta ŭpaŭ u Hrodnie
«Režym Biełarusi nie pieršy raz prydumlaje historyi». U Litvie prakamientavali historyju z dronam u Hrodnie
Daradca prezidenta Litvy nie vyklučaje, što dron u Biełaruś mahli zapuścić aktyvisty
Litoŭski vytvorca: Dron z Hrodna naš, ale jon pierarobleny i nieviadoma jak trapiŭ u Biełaruś
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ4
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3232
Kamientary