Prapahanda nakručvaje ŭsio bolš bielibierdy ŭ spravie bieśpiłotnika, jaki nibyta ŭpaŭ u Hrodnie
Moža być, dron usio-taki na džypach prarvaŭsia praź litoŭska-biełaruskuju miažu, ale, na ščaście, śviedkam hetaha stała Frau A.? Piša Mikoła Buhaj.
Prapahanda nakručvaje ŭsio bolš bielibierdy ŭ spravie bieśpiłotnika, jaki nibyta ŭpaŭ u Hrodnie. Adny fakty piarečać inšym.
MUS zajaviŭ, što ź bieśpiłotnika raskidali biełaruskija nacyjanalnyja ściažki.
U svaju čarhu, telekanał Biełaruś-1 zajaviŭ, što bieśpiłotnik «byŭ načynieny pavodle apošniaha słova techniki».
«Pa sutnaści, nieprykmietny karlikavy raźviedčyk.
Padčas ahladu vyśvietliłasia, što dron načynieny pavodle apošniaha słova techniki: navihacyjnaje abstalavańnie, videakamiera, dźvie karty pamiaci na 32 hihabajty».
Ale kali jon raźviedčyk, dyk našto jamu ściažki raskidvać?
Z treciaha boku, śćviardžajecca, što rasšyfroŭka danych pakazała, što z Hrodna jon pavinien byŭ lacieć na Bydhašč, a paśla nazad u Hrodna, a paśla nazad u Litvu.
«Rasšyfroŭka danych pakazała, što palot doŭžyŭsia 2 hadziny 42 chviliny. Dron pavinien byŭ, pralacieŭšy nad Hrodnam, pajści ŭ Polšču, uziać kurs u bok Hiermanii, adnak nad polskim horadam Bydhašč bieśpiłotnik musiŭ raźviarnucca i lacieć nazad, u bok Hrodna, znoŭ pierasiačy polska-biełaruskuju miažu i z Hrodna viarnucca nazad u Litvu», — pišuć łukašenkaŭcy.
A kali ściažki, to našto jamu nazad lacieć praz Bydhašč? Heta ž horad na zachad ad Visły na zachadzie Polščy.
Moža, Natalli Ejsmant treba hłybiej razabracca ŭ hetym pytańni? Moža być, dron usio-taki na džypach prarvaŭsia praź litoŭska-biełaruskuju miažu, ale na ščaście śviedkam hetaha stała Frau A.? Takija precedenty byvali ŭ minułym, i heta było b našmat bolš praŭdapadobna, čym lotać da Bydhašča i nazad.
Ciapier čytajuć
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary