Homielski «ruskamirac» natchniŭsia Rakasoŭskim i zapatrabavaŭ pastavić u Homieli pomnik Stalinu
Supracoŭnik «Ruskaha doma ŭ Homieli», kiraŭnik BHA «Ruś» pa Homielskaj vobłaści Arciom Sakoŭski stvaryŭ kryndžovy klip sa svaim udziełam, zaŭvažyŭ «Fłahštok».
Pad ahučku štučnaha intelektu Sakoŭski praśpiavaŭ pieśniu z udziačnaściu za pomnik Rakasoŭskamu ŭ Homieli i z łajankaj na adras apanientaŭ ułady.
Ale hałoŭny pasył Sakoŭskaha — inicyjatyva ab ustalavańni ŭ Homieli pomnika Iosifu Stalinu.
Sakoŭski supravadziŭ svajo videa, źniataje na homielskaj płoščy Paŭstańnia, vypadam u bok uładaŭ:
«Čamu, praz 80 hadoŭ z dnia Vialikaj Pieramohi, da hetaha času «saromiejucca» ŭstaloŭvać pomnik viarchoŭnamu hałoŭnakamandujučamu, pad kiraŭnictvam jakoha była zdabytaja pieramoha?!»
Akramia kiraŭnictva fantomnaj «Ruśsiu», Sakoŭski maderuje ruskamirskija pabliki, źjaŭlajecca kaardynataram štaba rasijskaha Nacyjanalna-vyzvalenčaha ruchu (NOD) u Homieli, a taksama pracuje ŭ homielskim «Ruskim domie» — na sajcie pradstaŭnictva jon paznačany jak kiraŭnik histaryčnaha kłuba i adkazny za pracu z suajčyńnikami.
Choć sam Sakoŭski naradziŭsia nie ŭ Rasii, a ŭ biełaruskim Homieli, niezaležnaść Biełarusi jon nie pryznaje i ličyć svajoj radzimaj Biełaruskuju Savieckuju Sacyjalistyčnuju Respubliku, uzdychajučy pa razvale SSSR.
Ideju Sakoŭskaha padtrymaŭ druhi viadomy homielski stalinist i prychilnik Łukašenki — pradprymalnik Vital Drabyšeŭski. Raniej jon pajšoŭ na kanflikt z homielskimi ŭładami, ale akramia jak najezdam na jaho praź dziaržaŭnuju presu karać jaho dalej miascovyja ŭłady nie stali.
Rasijanie ŭ Homieli zachacieli ŭčynić mižnarodny skandał. Što za tajamničaja lalka była na pomniku Rakasoŭskamu
U Homieli adkryli pomnik maršału Rakasoŭskamu
Dziaržvydańnie razmazała pradprymalnika-łukašysta, jaki praz tyktok skardziŭsia Łukašenku na miascovyja ŭłady
Homielski biznesoviec-łukašyst, jaki vajuje za Stalina, napisaŭ danos sam na siabie
U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku21
Kamientary
"Takoje ž biadotnaje stanovišča było i ŭ susiednim Jelskim rajonie, ab čym čekisty rapartavali ŭ Miensk. U 200 siemjach z 250 adnaasobnych haspadarak dzieci i darosłyja apuchli ad hoładu, za dva miesiacy z-za schudnieńnia pamierła 20 čałaviek. “Adnaasobnik chutara Redźka Kałodziej Mikita, kab nie bačyć pakuty hałodnaj siamji, zapior u chacie žonku i troch małaletnich dziaciej, zabiŭ nahłucha dźviery i vokny, paśla čaho sam niekudy źnik. Žonka i dvoje dziaciej Kałodzieja ŭžo pamierli, adnaho małoha vyratavali susiedzi. U v.Mielaškovičy ŭdava Cichanava Uljana z hoładu kinuła traich dziaciej i syšła niaviedama kudy”, – pryvodzili žudasnyja prykłady čekisty.
Na Homielščynu ź Mienska vyjechała śpiecyjalnaja kamisija dla pravierki faktaŭ. 21 červienia Biuro CK KP(b)B zaniesła ŭ pratakoł: u Jelskim i Naraŭlanskim rajonach mor zakranuŭ da 60 pracentaŭ nasielnictva. Ludzi jaduć nie tolki “lipavaje liście, vieras, moch i miakinu, a ŭ niekatorych haspadarkach navat katoŭ, sabak i konskuju padal”. Staličnyja tavaryšy vymušany byli pryznać fakt kanibalizmu: “U v. Akopy… žonka biedniaka, pajšoŭšaha na pracu ŭ horad, viarnułasia dadomu i znajšła svajho syna Vałodziu miortvym, adrezała nohi dziciaci i zvaryła sa ščaŭjem. Pajeła ščaŭja sama i pakarmiła druhoje dzicianio. Nazaŭtra pamierła sama i druhoje dzicio”.
P.s. zasunuli palec u pašču - ruśnia adhryzie pa łokać. Ź nieŭskimi, žukavymi, paskievičami dy inšymi muraŭjovymi akupantami.