Гомельскі «рускамірац» натхніўся Ракасоўскім і запатрабаваў паставіць у Гомелі помнік Сталіну
Супрацоўнік «Рускага дома ў Гомелі», кіраўнік БГА «Русь» па Гомельскай вобласці Арцём Сакоўскі стварыў крынджовы кліп са сваім удзелам, заўважыў «Флагшток».
Пад агучку штучнага інтэлекту Сакоўскі праспяваў песню з удзячнасцю за помнік Ракасоўскаму ў Гомелі і з лаянкай на адрас апанентаў улады.
Але галоўны пасыл Сакоўскага — ініцыятыва аб усталяванні ў Гомелі помніка Іосіфу Сталіну.
Сакоўскі суправадзіў сваё відэа, знятае на гомельскай плошчы Паўстання, выпадам у бок уладаў:
«Чаму, праз 80 гадоў з дня Вялікай Перамогі, да гэтага часу «саромеюцца» ўсталёўваць помнік вярхоўнаму галоўнакамандуючаму, пад кіраўніцтвам якога была здабытая перамога?!»
Акрамя кіраўніцтва фантомнай «Руссю», Сакоўскі мадэруе рускамірскія паблікі, з'яўляецца каардынатарам штаба расійскага Нацыянальна-вызваленчага руху (НОД) у Гомелі, а таксама працуе ў гомельскім «Рускім доме» — на сайце прадстаўніцтва ён пазначаны як кіраўнік гістарычнага клуба і адказны за працу з суайчыннікамі.
Хоць сам Сакоўскі нарадзіўся не ў Расіі, а ў беларускім Гомелі, незалежнасць Беларусі ён не прызнае і лічыць сваёй радзімай Беларускую Савецкую Сацыялістычную Рэспубліку, уздыхаючы па развале СССР.
Ідэю Сакоўскага падтрымаў другі вядомы гомельскі сталініст і прыхільнік Лукашэнкі — прадпрымальнік Віталь Драбышэўскі. Раней ён пайшоў на канфлікт з гомельскімі ўладамі, але акрамя як наездам на яго праз дзяржаўную прэсу караць яго далей мясцовыя ўлады не сталі.
Расіяне ў Гомелі захацелі ўчыніць міжнародны скандал. Што за таямнічая лялька была на помніку Ракасоўскаму
У Гомелі адкрылі помнік маршалу Ракасоўскаму
Дзяржвыданне размазала прадпрымальніка-лукашыста, які праз тыкток скардзіўся Лукашэнку на мясцовыя ўлады
Гомельскі бізнэсовец-лукашыст, які ваюе за Сталіна, напісаў данос сам на сябе
У Гомелі закрылі забягалаўку прадпрымальніка-лукашыста і знішчылі яго плакат са Сталіным
Цяпер чытаюць
«На такую х**ню павялася». Расіянка прыехала з Сібіры ў Беларусь і цяпер з мацюкамі расказвае, як тут складана жыць27
Каментары
"Такое ж бядотнае становішча было і ў суседнім Ельскім раёне, аб чым чэкісты рапартавалі ў Менск. У 200 сем’ях з 250 аднаасобных гаспадарак дзеці і дарослыя апухлі ад голаду, за два месяцы з-за схуднення памерла 20 чалавек. “Аднаасобнік хутара Рэдзька Калодзей Мікіта, каб не бачыць пакуты галоднай сям’і, запёр у хаце жонку і трох малалетніх дзяцей, забіў наглуха дзверы і вокны, пасля чаго сам некуды знік. Жонка і двое дзяцей Калодзея ўжо памерлі, аднаго малога выратавалі суседзі. У в.Меляшковічы ўдава Ціханава Ульяна з голаду кінула траіх дзяцей і сышла няведама куды”, – прыводзілі жудасныя прыклады чэкісты.
На Гомельшчыну з Менска выехала спецыяльная камісія для праверкі фактаў. 21 чэрвеня Бюро ЦК КП(б)Б занесла ў пратакол: у Ельскім і Нараўлянскім раёнах мор закрануў да 60 працэнтаў насельніцтва. Людзі ядуць не толькі “ліпавае лісце, верас, мох і мякіну, а ў некаторых гаспадарках нават катоў, сабак і конскую падаль”. Сталічныя таварышы вымушаны былі прызнаць факт канібалізму: “У в. Акопы… жонка бедняка, пайшоўшага на працу ў горад, вярнулася дадому і знайшла свайго сына Валодзю мёртвым, адрэзала ногі дзіцяці і зварыла са шчаўем. Паела шчаўя сама і пакарміла другое дзіцянё. Назаўтра памерла сама і другое дзіцё”.
П.с. засунулі палец у пашчу - русня адгрызе па локаць. З неўскімі, жукавымі, паскевічамі ды іншымі мураўёвымі акупантамі.