Гомельскі бізнэсовец-лукашыст, які ваюе за Сталіна, напісаў данос сам на сябе
Віталь Драбышэўскі сам даслаў чыноўнікам раздрукоўкі скрыншотаў незалежных СМІ, за якія можна трапіць на суткі.
Актывіст «Патрыётаў Беларусі» Віталь Драбышэўскі нядаўна страціў сваю забягалаўку. Пра гэту гісторыю «Наша Ніва» распавядала: чыноўнікі не падоўжылі яму арэнду, а яшчэ раней знішчылі вялікі плакат са Сталіным, які вісеў у кафэ.
Драбышэўскі засыпаў скаргамі ўсе інстанцыі і нават запісаў відэазварот да Лукашэнкі, але нічога не дапамагло. А зараз усё выглядае так, што праўладны актывіст увогуле можа атрымаць палітычную адміністратыўку. Прычым фактычна ён сам на сябе напісаў данос.
Вольга Бондарава, якая актыўна падтрымлівае Драбышэўскага ў сацыяльных сетках, апублікавала адказ на адзін са зваротаў Драбышэўскага да чыноўнікаў.
Пра што ішла гаворка ў самой скарзе, не зусім зразумела — мяркуючы па ўсім, ён паскардзіўся на пашкоджанне таго самага плаката са Сталіным. Але Гомельская прыродаахова перадала зварот Драбышэўскага ў міліцыю.
Аказалася, сталініст без цені сумневу прымацаваў да скаргі раздрукоўкі скрыншотаў з сайтаў «Люстэрка» і «Флагшток», нават не абрэзаўшы адрасны радок і лагатыпы. Гэтыя незалежныя СМІ ўлады лічаць «экстрэмісцкімі». За рэпосты беларусаў актыўна садзяць на суткі.
Можна толькі ўявіць, як здзівіліся сілавікі ў АУС Цэнтральнага раёна Гомеля, калі ім прыйшоў афіцыйны зварот з такімі раздрукоўкамі. І яны адразу ж палезлі ў сацыяльныя сеткі Драбышэўскага.
А там знайшліся падпіскі на іншыя «экстрэмісцкія» старонкі: «Мая краіна Беларусь», «Маланка» і «By soul» (відаць, міліцыянеры мелі на ўвазе BySol). У выніку інспектар папрасіў АУС правесці праверку і, калі што, пакараць праўладнага актывіста за рэпосты і падпіскі.
Драбышэўскі прыдумаў такое апраўданне: ён падпісаўся на «экстрэмістаў» «з мэтай вывучэння дзейнасці і перадачы інфармацыі ў цэнтр х». Але звычайна такія апраўданні для простых прыхільнікаў Лукашэнкі не працуюць. Гэта на сваім досведзе нядаўна адчула і Бондарава.
У Гомелі закрылі забягалаўку прадпрымальніка-лукашыста і знішчылі яго плакат са Сталіным
Вольгу Бондараву пасадзілі на 13 сутак
«Адважна выйшлі на перадавую»: як «Патрыёты Беларусі» вучаць школьнікаў любіць краіну
Гомельскага камуніста затрымалі за падпіску на «экстрэмісцкія» рэсурсы — цяпер ён ездзіць па калгасных палях
Каментары
Дай им волю, они рашистов с Беларусь будут звать.