Zimovy harderob u našych šyrotach — heta zaŭsiody pošuk bałansu pamiž «ciopła» i «pryhoža». Zvyčajna my nadziavajem utulnyja śvitary bujnoj viazki pad praktyčnyja puchaviki abo dublonki. Ale jość reč, jakaja adrazu robić vobraz admietnym — palito abo kurtka sa štučnaha futra. Vyhladaje fakturna, pryciahvaje pozirki, adnak patrabuje krychu bolš uvahi da detalaŭ, kab nie pierahruzić vobraz.
Sioleta štučnaje futra ŭ trendzie: jaho pakazali amal usie bujnyja brendy ŭ kalekcyjach vosień — zima 2025. Niechta prapanuje minimalisckija varyjanty ŭ adnym kolery, niechta — bolš teatralnyja, z pryntami, padkreślivajučy modu na hłamur 90-ch.
Vydańnie Vogue prapanuje šeść praktyčnych i pryhožych schiem, jak nasić štučnaje futra hetaj zimoj.
1. Karotkaja kurtka z pojasam + pramyja džynsy
Ujavicie ŭtulny viečar u lubimaj kaviarni, pryhłušanaje śviatło i idealnuju atmaśfieru dla spatkańnia. Kab vyhladać adpaviedna — nie zanadta prosta, ale i nie praźmierna ŭračysta — pasprabujcie hety miks.
Jak nasić: nadzieńcie karotkaje futra z pojasam (jano padkreślić taliju) z kłasičnymi pramymi džynsami. Dapoŭnicie vobraz čaravikami z vostrym naskom. Heta toj samy minimalizm z notkaj dramy, jaki vyhladaje doraha i sučasna.
2. Palito biez kaŭniara + kłasičnyja štany + jarkaja vadałazka
Madeli biez kaŭniara (na manier žakietaŭ) vypramieńvajuć niazmušany šyk. Heta idealny varyjant dla pracoŭnych budniaŭ, kali viečaram płanujecca sustreča ź siabrami.
Jak nasić: vaźmicie bledna-žoŭty abo kremavy trykatažny holf, kab dadać miakkaha koleru, i zaziamlicie vobraz šerymi kaściumnymi štanami. Elehantnyja baciljony zavieršać vobraz. Taki kamplekt lohka transfarmujecca z ofisnaha ŭ viačerni.
3. Animalistyčny prynt + čornaja asnova
Leapard, tyhr, ziebra… Zdajecca zanadta kidkim? Ale fokus u tym, kab usprymać taki prynt jak niejtralny, tolki bolš žyvy.
Jak nasić: kali futra z pryntam — astatniaje lepš zrabić vielmi spakojnym. Naprykład, čornaja sukienka midzi, čorny džempier i čorny abutak. Štučnaje futra tut pracuje jak hałoŭnaja «zorka». Heta śmieła, ale vielmi stylna.
4. Usio biełaje + notka zołata
Vobraz, całkam składzieny ź biełych i małočnych adcieńniaŭ, vyhladaje śvieža, niby śnieh, jaki tolki što vypaŭ. Hałoŭnaje tut — hulnia faktur.
Jak nasić: spałučajcie biełyja vielvietavyja štany z abjomnym śvitaram bujnoj viazki. Źvierchu nakińcie futravuju kurtku ci palito ŭ ton. A kab dadać śviatła — krychu zołata ŭ aksiesuarach.
5. Trykatažny kaścium + futra
Idealny varyjant dla padarožžaŭ abo rassłablenych vychadnych, kali chočacca kamfortu, ale nie chočacca vyhladać niadbajna.
Jak nasić: vaš lubimy trykatažny kaścium zajhraje novymi farbami, kali nakinuć źvierchu doŭhaje ekafutra. Heta vaša brania suprać stomlenaści i choładu. Zaviaršycie vobraz jarkaj biejsbołkaj, i jon stanie jašče śviažejšy.
6. Karotkaja kurtka + mini-spadnica
Chutka pačnucca navahodnija viečaryny i karparatyvy. Heta toj vypadak, kali treba znajści bałans pamiž śviatočnym blaskam i elehantnaściu.
Karotkaja kurtka z štučnaha futra dobra spałučajecca z atłasnaj mini-spadnicaj. Dadajcie nievialikuju sumku ź mietaličnym blaskam i elehantnyja tufli ci miuli — atrymajecie vobraz «śviata tut i ciapier», ale biez praźmiernaściaŭ.
«Naša Niva» — bastyjon biełaruščyny
PADTRYMAĆCiapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj41
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2424
Kamientary