Repier Paźniaks, jaki parvaŭ internet pieśniaj pra havajskuju picu, vypuściŭ z Mejbi Bejbi sumiesny trek «Žabinka-Hrodna»
«Nie vyjšła ni ch… Davajcie biez matu. Kali łaska, prabačcie za maju francuzskuju».
Repier Paźniaks z Hrodna (sapraŭdnaje imia — Dźmitryj Paźniak) praciahvaje skarać sacsietki. I heta nasamreč cikavy fienomien — 21‑hadovy chłopiec mienš čym za hod zmoh stać šalona papularnym. Ciapier jon navat skardzicca, što školniki jamu nie dajuć prachodu.
Uvahu na Paźniaksa źviarnuła inšaja papularnaja biełaruskaja repierka — Mejbi Bejbi (sapraŭdnaje imia — Viktoryja Łysiuk). Niekalki miesiacaŭ tamu biełarusy masava zapisvali tyktoki pad jaje adkaz rasijskaj śpiavačcy Instasamcy — Mejbi Bejbi vučyła tuju pravilna nazyvać svaju krainu.
Siońnia repiery vypuścili sumiesny fit «Žabinka — Hrodna». Jany nazvali jaho ŭ honar svaich haradoŭ — z Žabinki Mejbi Bejbi, a Paźniaks z Hrodna.
Klip «Žabinka-Hrodno» v sieti
Trek pryśviečany tamu, jak raskrucicca artystu. Mejbi Bejbi vychvalajecca svajoj biełaruskaj «svahaj» (krutaściu).
Paźniaks ža ŭpeŭniena čytaje:
«V ru-repie śliškom lohkij podchod.
A ja nieždanno proros
Na vašiem žie pole.
Čto-to vrodie podsołnucha.
Ćvietočiek.
S vidu nie očień,
No jeśli rasŝiołkať,
To budiet mnoho kajfovoho».
Jość imaviernaść, što rasijanie paśla hetaha treka ŭsio ž vyvučać značeńnie słova «šufladka», bo Mejbi Bejbi abiacaje:
«Nie zadvihajtie, kakije vy hanhstiery.
Mohu zadvinuť ich budto šufladku».
Uvohule, biełaruskich słoŭ krychu nakidali ŭ tekst — jość i «bulba» (jak ža biez hetaha stereatypa), i «kali łaska», i «prabačcie». Ale ž zapazyčańniaŭ z anhlijskaj usio ž značna bolš.
Pieršy ŭryvak pieśni nabraŭ za try dni ŭ tyktok-akaŭntach artystaŭ bolš za miljon prahladaŭ. Kamientatary ŭ zachapleńni: Paźniaksa ŭžo nazyvajuć lehiendaj i prahnazujuć, što praz hod jon abydzie ŭsich papularnych ciapier repieraŭ.
A voś u instahramie aŭdytoryja adniesłasia bolš krytyčna. Niekatoryja słuchačy nie ŭchvalili, što chłopiec zapisaŭ duet z Mejbi Bejbi — u tym liku i praz toje, što jana zusim niadaŭna padtrymała vajnu.
Nahadajem: paśla taho, jak biełaruskuju repierku ŭnieśli ŭ śpis niepažadanych u Rasii artystaŭ, jana naviedała Dziarždumu i adpraviła humanitarnuju dapamohu rasijskim vajskoŭcam.
Ciapier čytajuć
Cichanoŭski prapanavaŭ radykalna pierahledzieć stratehiju dla Biełarusi19
Cichanoŭski prapanavaŭ radykalna pierahledzieć stratehiju dla Biełarusi
Pamiatajecie ŭkrainku, jakuju rasijanie pryviazali da słupa? Tyja, chto jaje katavaŭ, za hady vajny amal usie zahinuli. A voś što robić ciapier jana2525
Kamientary