Usio pačałosia sa zvarotu bajcoŭ PVK «Vahnier», jaki niekatory čas tamu ŭ siabie ŭ sacyjalnych sietkach apublikavaŭ vajenkar rasijskaha «Pieršaha kanała» Dźmitryj Kulkoŭ. Na kadrach vidać, što bajcy ŭ poŭnym abmundziravańni prosiać śpiavačku Mejbi Bejbi vystupić z kancertam na froncie (jany tady byli jakraz na froncie).
Chto ž takaja hetaja Mejbi Bejbi?
A heta naša ziamlačka Viktoryja Łysiuk, jak piša «Narodnaja Vola».
Naradziłasia ŭ horadzie Žabinka Bresckaj vobłaści. Skončyła Pieciarburhski dziaržaŭny ŭniviersitet šlachoŭ znosin, dzie navat była staršynioj studenckaj rady. Ale pa čyhuncy ciapier addaje pieravahu jeździć u jakaści pasažyra.
A lepš — naohuł lotać. U 2017 hodzie siabar dziaŭčyny Uładzimir Hałat pryciahnuŭ jaje ŭ svoj muzyčny prajekt, viadomy jak hurt «Frendzona», što ciapier spyniŭ svajo isnavańnie.
Ale Viktoryja vyrašyła vystupać solna, i ŭ 2018 hodzie vyjšaŭ jaje debiutny sinhł «Askarbinka».
Cikava, što kampazicyi Mejbi Bejbi zusim nie źviazanyja z vajennaj tematykaj. Jana śpiavaje pra kachańnie, prablemy padletkaŭ i, viadoma, pra sučasnaje žyćcio. Bolš za ŭsio jaje lubić pakaleńnie ad 14 da 18 hadoŭ — akurat jany jaje metavaja aŭdytoryja.
«Pra hetuju śpiavačku, da svajho ździŭleńnia, my časta čuli ad bajcoŭ PVK «Vahnier» na roznych napramkach. Dziaŭčyna z błakitnymi vałasami, viadoma, efiektnaja. Jaje tvorčaść choć i daloka ad vajennaj tematyki, ale, vyjaŭlajecca, časam jakraz takija pieśni chočacca słuchać na pieradavoj. A trek «Pochriukaj» tut naohuł staŭ chitom!» — kanstatavaŭ rasijski vajenkar Dźmitryj Kulko.
Nakolki viadoma, z vystupami na front dziaŭčyna nie jeździła.
Ciapier čytajuć
U Minsku adkryli samuju niezvyčajnuju raźviazku — ałmaznuju. Vyjazdžać treba jak by na sustrečku FOTA5
Kamientary