Biełaruskaje dzicia ŭpieršyniu atrymała finski DNŽ nie majučy pašparta
Finlandyja ŭpieršyniu vydała biełaruskamu dziciaci dazvoł na žycharstva na padstavie prajaznoha dakumienta inšaziemca. Heta stała mahčymym paśla źmien u zakanadaŭstvie. Raniej bieź dziejnaha biełaruskaha pašparta atrymać abo praciahnuć dazvoł na žycharstva tut było nielha, paviedamlaje Ofis Śviatłany Cichanoŭskaj.
Nieabchodnyja karekciroŭki ŭ zakon źjavilisia dziakujučy pracy demakratyčnych siłaŭ, Ofisa Śviatłany Cichanoŭskaj i Misii demakratyčnych siłaŭ u Talinie, jakija doŭhi čas damahalisia rašeńnia hetaj prablemy.
Novyja praviły dazvalajuć u vyklučnych situacyjach admianiać patrabavańnie pra najaŭnaść prajaznoha dakumienta — kali jość istotnaja pryčyna abo kali taho patrabujuć intaresy dziciaci.
Daradca Śviatłany Cichanoŭskaj pa dypłamatyi Dzianis Kučynski padkreśliŭ, što vielmi ŭdziačny finskim partnioram, Misii demsiłaŭ u Talinie i biełaruskaj dyjaspary ŭ Finlandyi za ich pracu. Pavodle jaho słoŭ, heta važny krok, jaki dazvalaje biełaruskim dzieciam žyć u biaśpiecy navat tady, kali jany nie mohuć atrymać nieabchodnyja dakumienty.
Jon adznačyŭ, što takija pytańni patrabujuć času i dakładnych arhumientaŭ, ale demakratyčnyja siły praciahnuć abaraniać intaresy biełarusaŭ za miažoj. Heta, pa jaho słovach, abaviazak — padtrymlivać tych, chto byŭ vymušany pakinuć dom dziela svajoj i siamiejnaj biaśpieki.
Kaardynacyjnaja rada publična zasłuchaje Śviatłanu Cichanoŭskuju ŭ studzieni
Apanienty Cichanoŭskaj źbirajucca stvaryć svoj orhan, kab lehitymna pradstaŭlać biełaruski narod
«Adnaŭlajcie siamju». Rasijski apazicyjanier pryjšoŭ z paradami da Cichanoŭskaj — u internecie jaho asadzili
Cichanoŭskaja: Ja vitaju płany Polščy adkryć pamiežnyja pierachody
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary