U Homieli biazdomny źbiraŭ miłaścinu, a pry admovie napadaŭ z nažom i rydloŭkaj
U žniŭni ŭ homielskim mikrarajonie Kaściukoŭka adbyłasia sieryja incydentaŭ: biazdomny mužčyna napadaŭ na vypadkovych minakoŭ. Pra heta paviedamili ŭ haradskoj prakuratury, piša vydańnie «Biełka».
42‑hadovy homielec niadaŭna vyjšaŭ z kałonii paśla svajoj vośmaj sudzimaści. Nie majučy ni žylla, ni hrošaj, jon zajmaŭsia žabractvam, kab mahčy kuplać sabie tannyja śpirtnyja napoi.
Pieršym paciarpieŭ mužčyna pieradpiensijnaha ŭzrostu, jaki pryjechaŭ u hości da siabroŭ. Paśla zastolla jon vyjšaŭ u skvier i sustreŭsia tam ź biazdomnym. Daŭ jamu rubiel drobiaźziu, ale toj ubačyŭ u kišeni banknotu ŭ 20 rubloŭ, pačaŭ patrabavać dać bolš i dastaŭ nož. Paciarpieły prykryŭ tvar rukami i atrymaŭ drapinu na iłbie. U milicyju jon tady nie źviarnuŭsia.
Praz tydzień biazdomny znoŭ źjaviŭsia ŭ rajonie. U kramie jon pačaŭ prystavać da dvuch maładych ludziej, jakija byli pad hradusam. Chłopcy dali jamu 4 rubli 20 kapiejek — krychu mienš, čym kaštavała butelka vina. Žabrak paličyŭ heta ździekam i raptoŭna ŭdaryŭ adnaho ź ich rydloŭkaj pa hałavie. Pačałasia bojka, i ŭ hety momant u adnaho z chłopcaŭ vypaŭ novy smartfon pa 1200 rubloŭ. Biazdomny ciškom padabraŭ jaho i schavaŭ.
Ciapier mužčyna zatrymany i znachodzicca ŭ lačebna-pracoŭnym prafiłaktoryi ŭ Śvietłahorsku. Pa infarmacyi prakuratury, jamu vystavili abvinavačańni ŭ naŭmysnym pryčynieńni mienš ciažkaha cialesnaha paškodžańnia i paŭtornym kradziažy.
Ciapier čytajuć
31‑hadovy rasijanin akruciŭ 17‑hadovuju biełarusku. Finał historyi strašny: turma za narkotyki, śmierć dziciaci, «SVA» i skradzienyja hrabavyja12
Kamientary