Narviehija ŭpieršyniu z 1998 hoda adabrałasia na čempijanat śvietu pa futbole
Učora ŭ haściach narviežcy raźbili Italiju 4:1 i vyjšli na čempijanat śvietu pa futbole ź pieršaha miesca ŭ hrupie.
Italjancy adkryli lik na 11 chvilinie namahańniami Fiederyka Espazita, ale ŭ druhim tajmie Narviehija zabiła čatyry, u tym liku dvojčy vyznačyŭsia forvard «Mančester Sici» Erlinh Hołan, jaki zabiŭ svaje 15‑y i 16‑y miačy ŭ ramkach ciapierašniaha adboru.
Narviežcy nabrali 24 bały i finišavali pieršymi ŭ hrupie. U Italii 18 bałaŭ.
Čempijanat śvietu pa futbole projdzie z 12 červienia da 16 lipienia 2026 hoda adrazu ŭ troch krainach: ZŠA, Mieksicy i Kanadzie. Upieršyniu ŭ im voźmuć udzieł 48 zbornych.
Pucioŭki ŭžo zavajavali: ZŠA, Mieksika i Kanada (jak arhanizatary).
Ad Paŭdniovaj Amieryki — Arhiencina, Uruhvaj, Brazilija, Parahvaj, Kałumbija, Ekvador,
ad Afryki — Kaba-Vierde, Ałžyr, Tunis, Jehipiet, PAR, Maroka, Hana, Sieniehał, Kot dJIvuar.
ad Azii — Japonija, Paŭdniovaja Kareja, Aŭstralija, Katar, Uźbiekistan, Ijardanija, Saudaŭskaja Aravija.
ad Akijanii — Novaja Ziełandyja.
Ad Jeŭropy pakul žalezna piać — Anhlija, Francyja, Charvatyja, Partuhalija, Narviehija — i amal sa 100‑pracentnaj imaviernaściu Ispanija, Niderłandy i Šviejcaryja.
12 kamand, što zojmuć druhija miescy ŭ hrupie (+čatyry zbornyja ź Lihi nacyj), zhulajuć u sakaviku ŭ stykavych matčach, kab vyznačyć čatyroch ščaśliŭčykaŭ. Heta Čechija, Ałbanija, Italija, Ukraina, i ź imaviernaściu 100 pracentaŭ Polšča, Turcyja i Kosava (kali nie stanuć pieršymi).
Adboračny turnir zaviaršajecca siońnia i zaŭtra.
Zbornaja Biełarusi praviadzie apošni matč u aŭtorak, jana zhulaje z Hrecyjaj. Biełarusy finišavali na apošnim miescy ŭ hrupie.
Kamientary