Zbornaja Biełarusi bolš za sutki dabirałasia ź Minska da Kapienhahiena
Futbolnaja nacyjanalnaja kamanda viečaram u piatnicu prybyła ŭ stalicu Danii, dzie ŭ subotu praviadzie matč adboračnaha turniru.
Futbalisty zbornaj zasialajucca ŭ hatel i rychtujucca da vyjezdu na pieradhulniavuju treniroŭku na stadyjon «Parkien», — paviedamlaje pres-słužba ABFF.
Hulcy 12 hadzin stajali na polskaj miažy.
Matč adboračnaha turniru čempijanatu śvietu pa futbole pamiž zbornymi Danii i Biełarusi adbudziecca siońnia ŭ Kapienhahienie. Start pajadynku — a 22:45 pavodle biełaruskaha času.
Turnirnaje stanovišča paśla čatyroch turaŭ:
Danija, Šatłandyja — 10, Hrecyja — 3, Biełaruś — 0.
Biełarusy stracili navat tearetyčnyja šancy na druhoje miesca, jakoje daje pucioŭku ŭ stykavyja matčy. Danii ŭ pieršym matčy biełarusy razhromna prajhrali 0:6, Hrecyi ź likam 1:5, Šatłandyi dvojčy sastupili 0:2 i 1:2.
Hałoŭnaja intryha ŭ našaj hrupie, chto zojmie pieršaje miesca, jakoje daje pramuju pucioŭku na mundyjal, a chto budzie prabivacca praz stykavyja matčy ŭ sakaviku.
Šatłandyja i Danija zhulajuć pamiž saboj u aŭtorak u Hłazha. Biełarusy ŭ hety dzień praviaduć svoj apošni adboračny pajadynak, supiernikam budzie Hrecyja, a matč projdzie ŭ Vienhryi.
Čempijanat śvietu pa futbole projdzie z 12 červienia pa 16 lipienia 2026 hoda adrazu ŭ troch krainach: ZŠA, Mieksicy i Kanadzie. Upieršyniu ŭ im voźmuć udzieł 48 zbornych.
Pucioŭki ŭžo zavajavali: ZŠA, Mieksika i Kanada (jak arhanizatary).
Ad Paŭdniovaj Amieryki — Arhiencina, Uruhvaj, Brazilija, Parahvaj, Kałumbija, Ekvador,
ad Afryki — Kaba-Vierde, Ałžyr, Tunis, Jehipiet, PAR, Maroka, Hana, Sieniehał, Kot dJIvuar.
ad Azii — Japonija, Paŭdniovaja Kareja, Aŭstralija, Katar, Uźbiekistan, Ijardanija, Saudaŭskaja Aravija.
ad Akijanii — Novaja Ziełandyja.
Ad Jeŭropy pakul try zbornyja — Anhlija, Francyja i Charvatyja.
Jašče ad Jeŭropy vyznačycca dzieviać zbornych, što zojmuć pieršyja miescy ŭ svaich hrupach, a 12 kamand, što finišujuć druhimi, +4 lepšyja kamandy ź Lihi nacyj u stykavych matčach u sakaviku razyhrajuć čatyry pucioŭki.
Taksama dźvie pucioŭki buduć u mižkantynientalnych stykavych matčach, dzie buduć čatyry zbornyja z Centralnaj Amieryki, a taksama Balivija i Novaja Kaledonija.
Losavańnie hrupavoha turniru čempijanatu śvietu projdzie 5 śniežnia.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam1
Kamientary