U minskich žyłych damach rasstaviać jašče 20 tysiač videakamier
U Minsku płanujuć ustanavić kala 20 tysiač videakamier u žyłych damach. Pra heta paviedamili na naradzie ŭ Minharvykankamie, dzie abmiarkoŭvali pierśpiektyvy abstalavańnia šmatkvaternych damoŭ sistemami videanazirańnia, pieradaje ahienctva «Minsk-Naviny».
Hienieralnaja dyrektarka dziaržaŭnaha abjadnańnia «Minskaja haradskaja žyllovaja haspadarka» Maryna Toŭścik adznačyła, što kamiery płanujuć pastavić na tych damach, jakija znachodziacca na absłuhoŭvańni pradpryjemstvaŭ ŽKH u roznych rajonach horada — heta bolš za 6 tysiač budynkaŭ. Usiaho budzie kala 20 tysiač videakamier.
Pavodle jaje słoŭ, masavaje ŭkaranieńnie sistem videakantrolu dazvolić palepšyć manitorynh ekspłuatacyi žyllovaha fondu, pastajanna kantralavać stan prydamavych terytoryj i svoječasova prymać rašeńni dla likvidacyi vyjaŭlenych niedachopaŭ. Heta pavinna skaracić vydatki na absłuhoŭvańnie i ramont terytoryj kala damoŭ.
Ciapier u kožnym rajonie stalicy zaćvierdžanyja hrafiki ahladu žyllovaha fondu i prydamavych terytoryj, kab vyznačyć najbolš zručnyja miescy dla ŭstanoŭki kamier. Padrychtoŭčyja raboty płanujuć zaviaršyć u nastupnym hodzie. Pa stanie na 13 listapada ŭžo ahledžana kala 26 % abjektaŭ.
Maryna Toŭścik padkreśliła, što videakamiery pavinny achoplivać dziciačyja placoŭki, miescy zboru śmiećcia, padjezdy, prajezdy i piešachodnyja darožki kala žyłych damoŭ.
Staršynia Minharvykankama Uładzimir Kucharaŭ daručyŭ zaviaršyć usie abśledavańni ŭ vyznačanyja terminy, kab jak maha chutčej pierajści da realizacyi prajekta.
Ciapier u stalicy ŭžo dziejničaje sistema videanazirańnia, ustalavanaja pry padtrymcy «Biełtelekama». U Minsku pracuje amal dźvie tysiačy kamier, jakija raźmieščanyja na 435 šmatkvaternych damach.
Pa ŭsioj krainie, pavodle infarmacyi na sakavik, za hramadzianami sočać kala 60 tysiač «razumnych» videakamier. Hetyja sistemy zdolnyja nie tolki zapisvać toje, što adbyvajecca, ale i aŭtamatyčna analizavać pavodziny ludziej, raspaznavać tvary i čytać numarnyja znaki transpartnych srodkaŭ.
Usiu infarmacyju, što tranślujecca z hetych kamier, apracoŭvaje śpiecyjalnaje padraździaleńnie Ministerstva ŭnutranych spraŭ, jakoje adkazvaje za manitorynh i zachoŭvańnie danych.
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary