Kolkaść milicejskich videakamier u Biełarusi pieravysiła 40 tysiač štuk
Za čatyry apošnija hady kolkaść videakamier Respublikanskaj sistemy manitorynhu hramadskaj biaśpieki pavialičyłasia ŭ dziasiatki razoŭ i pieravyšaje 40 tysiač adzinak, paviedamiŭ ministr unutranych spraŭ Ivan Kubrakoŭ.
Pavodle słovaŭ siłavikoŭ, jany dazvalajuć fiksavać takija parušeńni PDR, jak kiravańnie biez pravoŭ.
Pry hetym sistema pastajanna ŭdaskanalvajecca. Naprykład, ciapier u Minsku ŭ testavym režymie apraboŭvajecca sistema aŭtamatyčnaj fiksacyi parušeńniaŭ praviłaŭ spynieńnia i stajanki transpartnych srodkaŭ, a taksama prajezdu na zabaranialny sihnał śviatłafora.
MUS adznačaje, što za 15 apošnich hadoŭ kolkaść zahinułych u DTZ źniziłasia amal u 4 razy. Pry hetym kolkaść zarehistravanaha transpartu pavialičyłasia praktyčna na čverć.
U toj ža čas nie tajamnica toje, što z dapamohaj tych samych videakamier siłaviki ŭ Biełarusi adsočvajuć i palityčnych apanientaŭ režymu Łukašenki. Udzielnikaŭ pratestaŭ 2020 hoda dahetul pieraśledujuć pa materyjałach zroblenych tady videazapisaŭ.
Brytanski błohier, jaki chadziŭ na pakłon da Kubrakova, skardzicca, što nie moža atrymać dazvoł na žycharstva ŭ Biełarusi
Kubrakoŭ adpraviŭ na miažu z Ukrainaj AMAP i ŭnutranyja vojski — «kab nie dapuścić praryvu USU»
Žančynu, jakaja zmahałasia z «piedafilskim łobi», adpravili na prymusovaje lačeńnie ŭ psichbalnicu
Kamientary