Tramp zajaviŭ, što Si Czińpin pahadziŭsia dapamahčy zaviaršyć vajnu va Ukrainie
«My doŭha razmaŭlali ź Si pra Ukrainu. My pahadzilisia, što abodva baki zaviaźli ŭ bajavych dziejańniach», — skazaŭ prezident ZŠA.
Prezident ZŠA Donald Tramp zajaviŭ, što damoviŭsia z staršyniom KNR Si Czińpinam sumiesna pracavać nad zaviaršeńniem vajny va Ukrainie, piša Moscow Times.
«My doŭha razmaŭlali ź Si pra Ukrainu. My pahadzilisia, što abodva baki zaviaźli ŭ bajavych dziejańniach, i časam treba dać im mahčymaść zmahacca. Heta varjactva. Ale Si dapamoža nam, i my budziem pracavać razam pa Ukrainie», — skazaŭ kiraŭnik Biełaha doma paśla pieramovaŭ z kitajskim lidaram u Paŭdniovaj Karei.
Taksama, pavodle jaho słoŭ, jon abmierkavaŭ ź Si Czińpinam zakupki Piekinam rasijskaj nafty, adnak nie staŭ udavacca ŭ detali razmovy. Da hetaha Tramp uvioŭ sankcyi ŭ dačynieńni da dvuch najbujniejšych rasijskich naftavych kampanij — «Rasnafta» i «Łukojł», što pryviało da prypynieńnia častki pastavak nafty ŭ Kitaj i Indyju.
U cełym kiraŭnik Biełaha doma nazvaŭ sustreču ź Si Czińpinam «vydatnaj», a pryniatyja padčas jaje rašeńni — «vyklučnymi».
Pa škale ad 1 da 10 Tramp acaniŭ pieramovy na 12, padkreśliŭšy, što damoviŭsia ź lidaram Kitaja «amal pra ŭsio». U pryvatnaści, pavodle jaho słoŭ, Vašynhton i Piekin u chutkim časie zaklučać handlovaje pahadnieńnie na hod.
«Ciapier kožny hod my budziem pierahladać umovy pahadnieńnia, ale ja dumaju, što jano budzie dziejničać na praciahu doŭhaha času», — skazaŭ amierykanski prezident.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA115
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary
Čym jamu taja vajna zaminaje? Vidać nie čym, adny dyvidenty