«Nie karalam!» U ZŠA prajšli maštabnyja akcyi pratestu suprać Trampa. Toj adkazaŭ u svajoj maniery
Bolš za sto tysiač čałaviek vyjšli na vulicy Ńju-Jorka, a taksama ŭ inšych bujnych haradach Złučanych Štataŭ, kab vykazać pratest suprać palityki i dziejańniaŭ Donalda Trampa.
Praciŭniki Trampa bačać pahrozu demakratyi ŭ jaje kiraŭnictvie.
Jany vinavaciać Trampa, što paśla viartańnia ŭ Bieły dom jon nieabmiežavana vykarystoŭvaje prezidenckuju ŭładu, aktyŭna prymianiaje ŭkazy dla błakavańnia finansavańnia, uchvalenaha Kanhresam, raspuskaje ŭradavyja ahienctvy, uvodzić maštabnyja pošliny ŭ dačynieńni da inšych krain i raźmiaščaje vojski Nacyjanalnaj hvardyi ŭ haradach, navat niahledziačy na piarečańni hubiernataraŭ štataŭ.
Tramp vykłaŭ u adkaz na pratesty rolik, stvorany štučnym intelektam, na jakim źniščalnik «Karol Tramp» palivaje brudam udzielnikaŭ akcyj pratestu.
Vice-prezident ZŠA Džej Dzi Vens taksama apublikavaŭ rolik z «karalom» Trampam, pierad jakim uklenčvajuć viadomyja dziejačy Demakratyčnaj partyi, u tym liku Nensi Piełosi. Tramp hety rolik pierapościŭ.
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary