U Minsku ŭviaduć novyja sposaby kantrolu apłaty płatnych parkovak
Jak paviedamiŭ dyrektar dziaržaŭnaj ustanovy «Parkoŭki stalicy» Michaił Filipaŭ, akramia zvyčajnych kamier fiksacyi źjavicca bolš sučasnaja sistema — mabilny kompleks, jaki budzie jeździć pa vulicach i praviarać, ci apłacili kiroŭcy parkoŭku, piša Tochka.by. Atrymanaja infarmacyja aŭtamatyčna pastupić u prahramu, dzie praviarajecca najaŭnaść apłaty.
Na tych učastkach, dzie techniku vykarystoŭvać niemahčyma, kantrol buduć rabić supracoŭniki, jakija pieramiaščajucca pieššu. Kali jany pabačać, što apłaty niama, to na łabavym škle aŭtamabila pakinuć paviedamleńnie ź infarmacyjaj pra nieabchodnaść heta zrabić.
Akramia taho, płanujecca ŭstanoŭka novych kamier videanazirańnia z analityčnaj sistemaj. Jany buduć sčytvać numary aŭtamabilaŭ pry ŭjeździe i vyjeździe z parkoŭki, a kiroŭca pavinien budzie ŭ hety čas zrabić apłatu. Pakinuć mašynu na płatnaj parkoŭcy biez apłaty možna tolki tady, kali znachodzicca tam nie bolš za 15 chvilin.
Zapłacić za stajanku možna praz SMS, USSD-zapyt, sistemu ARIP abo servis «Apłaci». Pavodle słoŭ Michaiła Filipava, u biudžet Minska štomiesiac pastupaje kala 400 tysiač rubloŭ ad apłaty parkovak, i hetaja suma praciahvaje raści.
«ZŠA chočuć narmalizacyi litoŭska-biełaruskich adnosin. Adsiul i ruchi z ofisam Cichanoŭskaj»9
Kamientary