Lavončyk pra źniknieńnie Mielnikavaj: Jaki sens cisnuć na dziaciej ci na baćkoŭ, kali nieviadoma, dzie čałaviek znachodzicca

Jon adkazaŭ na try viersii vice-śpikierki KR Stasi Hlińnik nakont źniknieńnia Anžaliki: jaje mahli pasprabavać zavierbavać, jana nie pajšła na supracu i jaje albo zabili…

«Ja viedaju jak minimum troch čałaviek z našych padapiečnych, jakija raskazvali padobnyja historyi. Ich presavali ŭ abmien na nie zaviadzieńnie kryminalnaj spravy. Dvoje ź ich tady vyrašyli, kali pojdziem supracoŭničać, heta nie varyjant. Kali vyjdziem publična i raskažam, što padpisali damovu, a paśla jaje razarviem publičnaj zajavaj. Jany kažuć, što cudoŭna viadoma, da čaho heta moža pryvieści ŭ publičnaj prastory. Im buduć heta pryhadvać. Nie buduć pryhadvać, što jany admovilisia supracoŭničać i abviaścili pra heta na publiku. Buduć pryhadvać sam hety fakt.

Kali ty šarahovy aktyvist, tabie buduć pryhadvać pieršuju častku, a nie druhuju. Tamu treci varyjant, kali jon mahčymy, heta prosta źniknuć.

Nie davać na siabie pakazańni, ničoha nie padpisvać, a prosta źniknuć, kab prybrać siabie, jak abjekt ataki, i zabiaśpiečyć tych, chto moh by vykarystoŭvacca ŭ jakaści ryčahoŭ upłyvu. Jaki sens cisnuć na dziaciej ci na baćkoŭ, kali nieviadoma, dzie čałaviek znachodzicca. Cisnuć treba na abjekt. Abjekta niama — usio cudoŭna. Ja mahu sabie ŭjavić viersiju, što kali Anžalika zachacieła źniknuć u adkaz na niejkaje zadańnie, jakoje nie chacieła vykonvać — dla mianie heta rabočaja viersija. Ja naziraŭ heta ŭ žyćci ź inšymi ludźmi. Heta realny varyjant, ale ŭ Emiratach chavacca nie varyjant», — miarkuje Alaksiej Lavončyk.

Jon taksama adkazaŭ na viersiju, što śpikierka KR u rukach KDB, ale pra heta nie ahučana ŭładami Biełarusi, a svajaki nie zajavili ŭ vyšuk.

«Ja mahu nazvać niekalki varyjantaŭ. Pieršy — siamja nie choča ničoha ahulnaha mieć z KHB. Druhi varyjant — siamji padkazali, što nie treba rabić nijakich chvalaŭ. Treci varyjant — mahčyma jany pasprabavali abvieścić jaje ŭ vyšuk, ale heta nikudy dalej nie pajšło.

Čaćviorty — ja viedaju nakolki randomna byvajuć abviaščajuć u vyšuk tych, chto idzie pa kryminałkach. Siamja mahła zachacieć abviaścić, milicyja mahła ničoha nie zrabić. Siamja mahła abviaścić, ale heta nidzie nie zjaviłasia. Toje, što ja ŭ vyšuku, heta dalej nidzie nie napisana. Tearetyčna ja nidzie nie ŭ vyšuku, choć u mianie i status terarysta i 18 zavočnych hadoŭ. Ja dumaju tut niepaśladoŭnaść ci admova zapaŭniać papierki. Ja dumaju, što tut asnoŭnaje, kali jana z KDB — čamu nie chvalacca?» — miarkuje Alaksiej Lavončyk.

***

Śpikierka Kaardynacyjnaj rady Anžalika Mielnikava pakinuła terytoryju Polščy i Jeŭrasajuza 26 lutaha 2025 hoda i palacieła ŭ Łondan. Pavodle rasśledavalnikaŭ, za dzień da vyletu jana zareziervavała numar u piacizorkavym hateli na Šry-Łancy, dzie ŭžo byvała raniej. Z 28 lutaha da 7 sakavika Mielnikava žyła ŭ tym hateli ź dziećmi. 7 sakavika Mielnikava ź dziećmi palacieła ŭ Dubaj, tam jaje śled hublajecca. 25 sakavika jana pierastała vychodzić na suviaź. Dzie jana i što ź joj, niama infarmacyi.

Kaardynacyjnaja rada zajaŭlała, što 13 sakavika ź jaje akaunta byli spampavanyja dakumienty, jakija datyčacca pracy arhanizacyi.

U tym ža miesiacy, pavodle źviestak «Kibierpartyzanaŭ», Mielnikava pieraviała na asabisty rachunak bolš za 150 tysiač dołaraŭ sa srodkaŭ fondu Białoruś Liberty. Viadoma taksama, što pierad źniknieńniem jana lota­ła na Kubu i ŭ Šry-Łanku razam z Alaksiejem Łabiejevym, supracoŭnikam łukašenkaŭskich śpiecsłužbaŭ.

• 3
• 0
• 0
• 3
• 0
• 0
• 0
• 0