«Ja dziejničaŭ paśpiešliva i dapuściŭ niekalki pamyłak». Siarhiej Cichanoŭski zapisaŭ videa pra 100 dzion na voli
Siarhiej Cichanoŭski, błohier i były palitviazień, raskazaŭ pra svaje pieršyja sto dzion na svabodzie paśla piaci hadoŭ źniavoleńnia. U videa jon adznačyŭ, što hety pieryjad byŭ składanym i nasyčanym: «Ja dziejničaŭ paśpiešliva i dapuściŭ niekalki pamyłak». Cichanoŭski kaža, što budzie pracavać na karyść demakratyčnych pieramien u Biełarusi i padtrymlivać ludziej, jakija zmahajucca za svabodu.
«Sto dzion tamu z majoj hałavy źniali miech, a z maich ruk — kajdanki. Kali ja ŭpieršyniu za niekalki hadoŭ pahladzieŭ na siabie ŭ lusterka, ja žachnuŭsia. Mnohija krytyki skazali, što ŭ takim stanie nielha źjaŭlacca pierad kamierami, a treba pačakać niekalki miesiacaŭ. Ale niemahčyma maŭčać, kali tabie nie davali havaryć piać hadoŭ. Ja nie moh sabie hetaha dazvolić, i ja vyrašyŭ dziejničać. Dziejničajučy paśpiešliva, ja zrabiŭ niekalki pamyłak, ale biaździejničajučy, ja nie zrabiŭ by ničoha», — kaža jon.
Za hety čas jon prajšoŭ miedycynskaje abśledavańnie. Jon zajmajecca zdaroŭjem — biehaje ŭ lubym horadzie, u luboje nadvorje.
«Ja adnaŭlaju karcinu padziej, jakija ja prapuściŭ. Hety praces nie zavieršany, ale mnie ŭžo bačnyja mnohija rečy. Ja razumieju, nakolki vyrašeńnie biełaruskaha kryzisu ciapier zaležyć ad hieapalityčnych pracesaŭ. Heta častka hłabalnaha supraćstajańnia», — kaža jon.
Cichanoŭski pačaŭ źbirać svaju kamandu, pavodle jaho słoŭ, kala 500 čałaviek vykazali žadańnie da jaje dałučycca. Stvorany sajt ruchu «Kraina dla žyćcia» i piersanalny sajt, i ciapier kožny moža abjadnacca z adnadumcami.
Cichanoŭski pravodzić sustrečy z eks-palitviaźniami, ź siemjami palitviaźniaŭ.
«Mnie pryjemna adznačyć, što mnie ŭdałosia dapamahčy sabranymi dla majoj reabilitacyi hrašyma. Jany pajšli na azdaraŭleńnie dziaciej palitviaźniaŭ. Ja daŭ vielizarnuju kolkaść intervju, daŭ pakazańni orhanam mižnarodnaj justycyi i raskazaŭ pra złačynstvy režymu. Ja taksama ŭziaŭ na siabie abaviazak spryjać vyzvaleńniu ŭsich palitviaźniaŭ i pravioŭ dziasiatki sustreč z prezidentami, premjerami, ministrami zamiežnych spraŭ, členami parłamientaŭ Jeŭropy i ZŠA. Ja liču, što heta samaja važnaja i terminovaja zadača, uličvajučy vypadkova adčynienaje akno mahčymaściaŭ. Ale samaje hałoŭnaje — ja praciahvaju sustrakacca i abmiarkoŭvać prablemy z prostymi biełarusami. Ja čuju ich i hatovy stać ich hołasam», — kaža jon.
Cichanoŭski taksama adznačyŭ, što choča vyvučyć anhlijskuju movu, bo meta — «razmaŭlać z zachodnimi palitykami na adnoj movie i abaraniać intaresy biełarusaŭ».
«Ja chaču i budu niezaležnym i samastojnym. I ja vieru, što ludzi aceniać, što ŭ mianie jość svajo ŭłasnaje mierkavańnie. Dla mianie heta važna», — skazaŭ jon.
Kamientary
Anhielskuju jen vučyć budzie ....
Pravilno on kak-to vyskazałsia, moł, - "Ja, siejčas - piervyj džientlmien.". Vot, nada i idti po etomu puti, zanimaťsia sootvietstvujuŝiej diejatielnosťju, svojstviennoj piervym ledi i džientlmienam.
Nie pojdiet narod za toboj, siejčas ty błohier urovnia Fiedoronok, nie boleje. Parovozik ušieł, vriemiena užie druhije, da i ludi tožie.
Biełaruskaja ideja źjaŭlajecca najvažniejšaj dla isnavańnia i raźvićcia biełaruskaj nacyi. I tak biazhłuzda i biez anijakaha razumieńnia jaje vykarystoŭvajuć dla svajho pijaru mohuć tolki tyja, chto isnuje ŭ nie biełaruskim śviecie, a niejkim inšym.