Biełarus prapuściŭ startavy matč u NCHŁ. U jaho niama amierykanskaj vizy
Siońnia nočču startavaŭ čarhovy siezon u Nacyjanalnaj chakiejnaj lizie.
Biełaruski abaronca Ilja Sałaŭjoŭ prapuściŭ startavy matč «Kałarada Eviełanš» u siezonie 2025/2026. Jon nie trapiŭ u zajaŭku kłuba na pajadynak suprać «Łos-Andželesa» (1:4).
Uradženiec Mahilova niadaŭna byŭ zabrany «łavinami» z draftu admovaŭ «Kałhary» i jašče nie paśpieŭ zrabić amierykanskuju pracoŭnuju vizu, piša «Biełaruski chakiej».
Pakul Sałaŭjoŭ vymušany treniravacca indyvidualna.
U siezonie 2023/24 25‑hadovy biełarus pravioŭ 5 matčaŭ u NCHŁ, adznačyŭšysia adnoj vynikovaj pieradačaj pry pakazčyku karysnaści «-3».
Siońnia nočču «Čykaha Błek Choŭks», za jaki hulaje biełaruski abaronca Arciom Leŭšunoŭ, prajhrała «Fłarydzie» ź likam 2:3.
19‑hadovy biełaruski abaronca pravioŭ na lodzie 16:36 (ź ich 01:42 u bolšaści), nanios 2 kidki, zarabiŭ 4 chviliny štrafu, prymianiŭ 2 siłavyja pryjomy, dapuściŭ 4 straty i skončyŭ matč z pakazčykam karysnaści «+1».
Nahadajem, što Jahor Šaranhovič zajaŭleny za «Kałhary Fłejmz», a Alaksiej Protas za «Vašynhton».
Astatnija biełaruskija chakieisty pakul znachodziacca ŭ raźmiaščeńni farm-kłubaŭ u ACHŁ.
Kamientary