Takim čynam, luby kłub NCHŁ moža zabrać abaroncu zbornaj Biełarusi Illu Sałaŭjova biez usialakaj kampiensacyi.
«Kałhary Fłejmz» vystaviŭ biełaruskaha abaroncu Illu Sałaŭjova na draft admovaŭ, paviedamlaje pres-słužba kłuba.
Takim čynam, luby kłub NCHŁ moža zabrać abaroncu zbornaj Biełarusi biez usialakaj kampiensacyi.
U vypadku, kali ni adzin kłub NCHŁ nie padaść zajaŭku na Sałaŭjova, jon budzie pieraviedzieny ŭ farm-kłub «Kałhary», piša «Biełaruski chakiej».
Varta adznačyć, što ŭ Sałaŭjova adnabakovy kantrakt z «Kałhary Fłejmz». U minułym siezonie kłub taksama vystaviŭ jaho na draft admovaŭ, ale ŭ vyniku Sałav́joŭ tak i zastaŭsia ŭ «Kałhary Fłejmz».
U minułym siezonie 25‑hadovy ŭradženiec Mahilova pravioŭ 5 hulniaŭ u NCHŁ, dzie nabraŭ 1 (0+1) bał, z pakazčykam karysnaści «-3».
U ACHŁ (Amierykanskaja chakiejnaja liha, druhaja pa značnaści paśla NCHŁ) za «Kałhary Renhlers» u jaho aktyvie 28 (6+22) ačkoŭ u 60 pajadynkach, z pakazčykam karysnaści «+8».
Za «Kałhary Fłejmz» vystupaje biełaruski forvard Jahor Šaranhovič.
Novy siezon u Nacyjanalnaj chakiejnaj lizie startuje na nastupnym tydni.
Taksama stała viadoma, što «Anachajm Daks» adpraviŭ biełaruskaha forvarda Jahora Sidarava ŭ farm-kłub z San-Dyjeha ŭ ACHŁ.
Sprabuje prabicca ŭ skład «Vašynhton Kepitałz» małodšy brat Alaksieja Protasa Illa. Minułaj nočču jon zhulaŭ u vystavačnym matčy ŭ adnym źvianie z zornym Alaksandram Aviečkinym.
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy11
Kamientary