U vyniku ataki rasijskich bieśpiłotnikaŭ na horad Dniapro dniom 30 vieraśnia paciarpieli jak minimum 28 čałaviek, paviedamiŭ kiraŭnik abłasnoj vajskovaj administracyi Siarhiej Łysak. Mužčyna, jaki atrymaŭ pry hetym ciažkija traŭmy, pamior.
Siarod paciarpiełych u vyniku ŭdaru — 10‑hadovy chłopčyk i 17‑hadovaja dziaŭčyna. Špitalizavanyja 12 čałaviek, astatnija ž haradžanie, jakija apynulisia ŭ epicentry ataki, buduć adnaŭlacca doma.
Prezident Ukrainy Uładzimir Zialenski paviedamiŭ u sacsietkach, što ŭ Dniapry paśla ŭdaru rasijskich dronaŭ pracujuć usie ekstrannyja słužby.
«Prosta nachabny ŭdar — dniom, pa cyvilnaj infrastruktury, — napisaŭ Zialenski. — Kožnym takim udaram rasijanie znoŭ i znoŭ dakazvajuć, što na ich treba akazvać mocny cisk. Dakazvajuć, što sankcyi śvietu suprać Rasiei pavinny stać značna bolš balučymi dla ahresara. I što my ŭsie razam u Jeŭropie pavinny pabudavać nadziejnuju abaronu ad rasijskich dronaŭ i rakiet, kab nivodnaja kraina nie zastałasia sam-nasam z hetaj pahrozaj».
U vyniku ŭdaru pa Sumščynie zahinuła siamja z dvuma małymi dziećmi
Paśla 16‑dzionnaha pierapynku adnavilisia paloty rasijskich bieśpiłotnikaŭ praz terytoryju Biełarusi
U Kijevie žančyna nie vytrymała stresu padčas rakietnaj ataki i pamierła ŭ schoviščy
Masiravanaja ataka dronaŭ i kryłatych rakiet pa Ukrainie: jość paciarpiełyja
Kamientary