«Pucin ubačyć jašče bolš NATA la svaich miežaŭ» — ministr abarony Šviecyi
Šviedski ministr abarony Poł Junsan, jaki niekalki dzion tamu zaklikaŭ jeŭrapiejcaŭ rychtavacca da vajny, raskazaŭ BILD, što budzie rabić NATA ŭ suviazi z pravakacyjami ŭ jaho pavietranaj prastory. Voś niekatoryja jaho adkazy.
Ci budzie NATA źbivać rasijskija samaloty i drony, kali jany parušać pavietranuju prastoru Jeŭropy?
«Heta vyrašaje dziažurny kamandzir apieracyi — i tak i pavinna być. Heta nie vajna pa rašeńni biurakrataŭ. U Šviecyi dziejničaje pryncyp: kali parušajecca naša pavietranaja prastora, kamandziry majuć paŭnamoctvy zrabić usio nieabchodnaje. My budziem abaraniać našu terytaryjalnuju cełasnaść i baranić šviedskuju ziamlu».
Ci ŭsprymaje Pucin NATA ŭsurjoz?
«Ja dumaju, Pucin razumieje tolki heavy metal, jon razumieje siłu, i ŭ hetaj situacyi dobryja płaty robiać dobrych susiedziaŭ. Dla nas było b niebiaśpiečna adstupić. Hetyja ataki — metanakiravanaja pravakacyja Rasii, i Pucin pavinien viedać, što my prymiem nieabchodnyja miery, kab abaranić kožny łapcik terytoryi aljansu. Heta lepšaje, što my možam zrabić dla našaj biaśpieki. Eskałacyju vyklikaje nie NATA, a Rasija».
I ŭsio ž Pucin praciahvaje pasyłać samaloty i drony…
«Vynik dla Pucina budzie takim, što jon ubačyć jašče bolš NATA la svaich miežaŭ. Bo ŭstupleńnie Šviecyi i Finlandyi ŭ NATA stała pramym vynikam niezakonnaha ŭvarvańnia Rasii va Ukrainu. Značyć: chto pravakuje, toj pavinien raźličvać na adkaz».
Ci ličycie vy, što Ukraina moža jašče pieramahčy ŭ svajoj abarončaj vajnie suprać Rasii?
«Nichto nie moža śćviardžać, što Rasija vyjhraje hetu vajnu. Pucin nie robić značnych pośpiechaŭ, a jaho ekanomika sychodzić kryvioj. I adno absalutna jasna: u kančatkovym vyniku ŭkraincy pavinny mieć mahčymaść vieści pieramovy z pazicyi siły. Tamu tak važna, kab my zaraz uzmacnili padtrymku Kijeva».
Ci robić Zachad dastatkova, kab padtrymać Ukrainu?
«Ja chacieŭ by bolšaha. Vialikaja padtrymka ŭžo idzie z Hiermanii, Niderłandaŭ i paŭnočna-bałtyjskich krain — heta cudoŭna. Ale ja chaču, kab usia Jeŭropa padklučyłasia. My adkrytyja da vykarystańnia zamarožanych rasijskich aktyvaŭ, kab, naprykład, padtrymać ukrainskuju abaronnuju pramysłovaść».
Ci pavinna NATA adpravić va Ukrainu svaje vojski?
«Paśla spynieńnia ahniu abo paśla mirnaha pahadnieńnia my da hetaha adkrytyja. My mahli b taksama kansultavać i akazvać dapamohu Ukrainie ŭ adnaŭleńni jaje ŭzbrojenych sił. Bo lepšaja harantyja biaśpieki — heta, viadoma, mocnaje ŭkrainskaje vojska».
Milicyja schavała hałoŭnaje — mahiloŭski mańjak-lifcior užo siadzieŭ za zhvałtavańnie. Ale jaho nie pravieryli na datyčnaść da zabojstvaŭ3
Kamientary