Udava Čarli Kirka emacyjna źviarnułasia da zabojcy svajho muža: Ty nie ŭjaŭlaješ, što ty raźviazaŭ
Eryka Kirk vystupiła z pramovaj na telebačańni. Udava ź ciažkaściu strymlivała emocyi i skroź ślozy raspaviała, jak hanarycca svaim mužam i jak mocna jon lubiŭ toje, što rabiŭ, piša Bild.
«Jon lubiŭ žyćcio, jon lubiŭ svajo žyćcio. Jon lubiŭ Amieryku», — skazała misis Kirk.
Ale bolš za ŭsio Čarli Kirk lubiŭ svaju siamju — Eryku i ich dvaich dziaciej: «jon zaŭsiody davaŭ mnie zrazumieć heta — kožny dzień». Kirk taksama padziakavała tym, chto sprabavaŭ vyratavać žyćcio jaje muža, jaki ściakaŭ kryvioj paśla strełu ŭ šyju, i źviarnułasia da Donalda Trampa: «Spadar prezident, moj muž lubiŭ vas. Vaša siabroŭstva było cudoŭnym»
Zatym jana znajšła niekalki słoŭ dla zabojcy: «Ty nie ŭjaŭlaješ, što ty raźviazaŭ. Jaki ahoń ty raspaliŭ u hetaj udavie. Kryki hetaj udavy buduć, jak bajavy klič, hučać pa ŭsim śviecie».
Eryka paabiacała, što dyskusij na kampusach univiersitetaŭ ciapier budzie jašče bolš. «Tvaja spadčyna stanie najvialikšaj, jakuju hetaja nacyja kali-niebudź bačyła», — źviarnułasia jana da niabožčyka muža. Udava zaviaršyła pramovu raźvitańniem z Čarli: «Ja nie mahu dačakacca taho dnia, kali znoŭ budu z taboj. Chaj dabrasłavić vas Boh i chaj dabrasłavić Boh Amieryku»»
Emacyjny zvarot Eryki Kirk tranślavaŭsia ŭ žyvym efiry. Jana stajała ŭ padkast-studyi svajho zabitaha muža, a pobač — jaho pustoje kresła i mikrafon.
Viadučaha, prychilnika Donalda Trampa 31-hadovaha Čarli Kirka zastrelili ŭ sieradu strełam u šyju, kali sustrakaŭsia z prychilnikami ŭ adnym z univiersitetaŭ Juty. U zabojstvie padazrajecca 22-hadovy Tajler Robinsan, jaki byŭ zatrymany.
Vice-prezident ZŠA Džej Dzi Vens asabista svaim samalotam dastaviŭ trunu ź ciełam Kirka ŭ Aryzonu, dzie žyŭ zabity.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ18
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary