Palitviazień, jaki siadzieŭ z Eduardam Babarykam, nazvaŭ jaho «vielmi mocnym»
Na pres-kanfierencyi ŭ Vilni były palitźniavoleny Jaŭhien Siamionaŭ raskazaŭ, jak pierasioksia ŭ kałonii z synam Viktara Babaryki Eduardam.
«Čałaviek pakinuŭ vielmi hłyboki ŭražańnie asabista ŭ majoj dušy. My šmat razmaŭlali ź im: pra knihi, pra psichałohiju, pra dziaŭčat. Jamu davoli ciažka, ale jon vielmi mocny i vielmi trymajecca. Ja b chacieŭ źviarnucca, kab vy dapamahli z rašeńniem pytańnia ab jaho vyzvaleńni», — raskazaŭ Jaŭhien Siamionaŭ.
U toj čas 30-hadovy Eduard Babaryka padčas vybarčaj kampanii 2020 hoda ŭznačaliŭ pieradvybarčy štab svajho baćki Viktara Babaryki.
Ich abodvuch zatrymali 18 červienia 2020 hoda za dva miesiacy da vybaraŭ, kali jany vieźli z Centrvybarkam sabranyja podpisy.
Try hady Eduard Babaryka pravioŭ biez suda. Tolki ŭ lipieni 2023 hoda jaho asudzili da vaśmi hadoŭ źniavoleńnia. Svajoj viny nie pryznaŭ.
Vystaŭlenyja abvinavačvańni:
- art. 342 Kryminalnaha kodeksa — Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich
- art. 243 Kryminalnaha kodeksa — Uchileńnie ad vypłaty sum padatkaŭ, zboraŭ
- art. 130 Kryminalnaha kodeksa — Raspalvańnie varožaści ci varažniečy
- art. 411 Kryminalnaha kodeksa — Złosnaje niepadparadkavańnie patrabavańniam administracyi papraŭčaj ustanovy
Pry hetym u termin nie zaličyli čas utrymańnia ŭ SIZA KDB pa pieršapačatkovym abvinavačvańni — paŭtara hoda. Paźniej Eduarda asudzili jašče da dvuch hadoŭ pazbaŭleńnia voli pavodle artykuła 411.
Pakarańnie adbyvaje ŭ kałonii ŭ Babrujsku, byŭ u PKT.
-
«Dyk heta vyzvaleńnie ci novaje katavańnie?» Aleksijevič prakamientavała departacyju 51 palitviaźnia i ŭčynak Statkieviča
-
«Prosty čałaviek sabie takoje dazvolić nie moža». Biełaruska pakazała, što kupiła na 440 rubloŭ dla siabie i dvaich dziaciej
-
Na dnie biełaruskaha voziera znajšli staražytnaje pasielišča. Jaho miesca vučonyja trymajuć u tajnie
Kamientary