Z pačatku 2025 hoda ŭ stalicy abnavili 231 prypynačny punkt. Čym jany adroźnivajucca ad raniejšych, Minsk-navinam raskazaŭ dyrektar «Harremaŭtadara» Maksim Biełavus.
— My starajemsia źmianiać kala 10 % usich prypynačnych punktaŭ z najaŭnych u horadzie za hod. Abnaŭlajem nie mienš za 200 štuk, — patłumačyŭ M. Biełavus. — Ad raniejšych jany, viadoma ž, adroźnivajucca. Novyja prypynki acynkavanyja, pavyšanaj kamfortnaści, tamu što zona, u jakoj moža znachodzicca čałaviek, pavialičana. Plus, byli pažadańni hramadzian, kab nazvy paviljonaŭ dublavalisia nie tolki na aporach, bo ludzi sa słabym zrokam abo babuli nie mohuć ich znajści, a niepasredna na samim paviljonie. Heta było ŭličana, i z troch bakoŭ naniesiena nazva prypynku. Taksama pastavili ŭdarastojkaje taniravanaje škło.
Supracoŭniki pradpryjemstva taksama vyvučali metazhodnaść dapaŭnieńnia prypynkaŭ raźjomami dla zaradki smartfonaŭ abo kava-aŭtamatami.
— Niehatyŭny dośvied na vuł. Niamiha, dzie byŭ ekśpierymientalny paviljon, pakazaŭ, što patreby ŭ hetym niama. Hramadski transpart chodzić časta, za niekalki chvilin čałaviek nie paśpiavaje zaradzić telefon. To-bok efiektyŭnaści niama. Nakont kavy ludzi vykazvali narakańni, maŭlaŭ, haračaja kava ŭ sałonie aŭtobusa moža być niebiaśpiečnaj. Adzin nieaściarožny ruch — i amatar kavy abliŭ inšaha pasažyra. Tamu ad hetaha vyrašyli admovicca, — raskazaŭ dyrektar «Horremaŭtadara».
Kab nie płacić padatak na sabak, minčuki pačali zdavać ich u punkty adłovu25
Kamientary