Džej Dzi Vens znoŭ budzie prysutničać pry razmovie Trampa ź Zialenskim. Ci nadzienie Zialenski halštuk?
Vice-prezident ZŠA Džej Dzi Vens voźmie ŭdzieł u pieramovach Trampa i Zialenskaha ŭviečary 18 žniŭnia, paviedamlaje vydańnie ABC.
The New York Times sa spasyłkaj na jeŭrapiejskaha čynoŭnika adznačaŭ, što sajuźniki Ukrainy aścierahajucca paŭtareńnia situacyi, kali ŭ lutym adbyłasia svarka pamiž Zialenskim i Trampam padčas sustrečy ŭ Biełym domie. Tady na sustrečy ŭ Avalnym kabiniecie taksama prysutničaŭ Džej Dzi Vens, i mienavita jahonyja repliki i reakcyja na ich Zialenskaha stali padstavaj dla nastupnaha kanfliktu.
Siońniašniaja razmova pavinna pačacca ŭ 20:15 pa minskim časie. U 22:00 pavinna pačacca pašyranaja sustreča z udziełam jeŭrapiejskich lidaraŭ.
Pavodle infarmacyi vydańnia Axios, pierad sustrečaj u Biełym domie amierykanskija čynoŭniki cikavilisia ŭ pradstaŭnikoŭ Ukrainy, ci pryjdzie hetym razam Uładzimir Zialenski ŭ Bieły dom u kłasičnym kaściumie.
Infarmatary vydańnia ličać, što prezident Ukrainy źjavicca na sustreču z Trampam u tym samym čornym pinžaku, u jakim byŭ na samicie NATA ŭ Niderłandach u červieni. Heta nadaje vyhlad, blizki da kaściuma, ale ŭsio ž jon nie zusim aficyjny.
Niekatoryja daradcy Trampa adznačali, što było b simvaličnym «znakam dla miru», kali b Zialenski pryjšoŭ u kaściumie ci navat u halštuku. Ale jany adrazu ž dadali, što nie raźličvajuć na heta. Krynicy paćviardžajuć, što ŭ paniadziełak Zialenski halštuk nie nadzienie.
Pavodle tych ža krynic, vice-prezident Vens byŭ navat bolš niezadavoleny, čym Tramp, vonkavym vyhladam i pavodzinami Zialenskaha padčas papiaredniaj sustrečy. Samo pytańnie z halštukam uźnikła ŭpieršyniu jak svojeasablivaja «dačepka» Vensa.
Tramp ledź nie sarvaŭ pieramovy na Alascy praź niazhodu z Pucinym pa Danbasie
Cichanoŭskaja: Lubyja pieramovy pavinny ŭličvać, što na kartu pastaŭlena budučynia Biełarusi
Stała viadoma, kali siońnia adbudziecca sustreča Trampa, Zialenskaha i lidaraŭ ES
Zialenski prybyŭ u Vašynhton i zrabiŭ zajavu
«Kali zachoča, Zialenski moža amal imhnienna skončyć vajnu z Rasijaj» — Tramp napisaŭ novy dopis
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Pa-pieršaje, jakaja nam sprava da maskoŭskaha časa? A pa-druhoje, ź jakoj uvohule łohiki vy pačatak dźvuch źviazanych padziej pryvodzicie pa roznym časie?