Tramp ledź nie sarvaŭ pieramovy na Alascy praź niazhodu z Pucinym pa Danbasie
Amierykanskaje vydańnie Axios paviedamiła, što sustreča na Alascy pamiž prezidentam ZŠA Donaldam Trampam i kiraŭnikom Rasii Uładzimiram Pucinym ledź nie sarvałasia. Pryčynaj stali patrabavańni Pucina nakont Danieckaj vobłaści.
Jak adznačajecca, Pucin nastojvaŭ, što choča poŭnaha kantrolu nad vobłaściu, chacia ciapier Rasija kantraluje tolki kala 75% jaje terytoryi.
Jon byŭ taki niepachisny ŭ svaich patrabavańniach, što Tramp navat razhladaŭ mahčymaść daterminova zaviaršyć pieramovy. Pavodle infarmacyi ad krynic vydańnia, paśla žorstkaj reakcyi Trampa Pucin u vyniku źmiakčyŭ svaju pazicyju.
Amierykanskaja raźviedka maje roznyja prahnozy: adnyja ličać, što Rasija moža zachapić Danieckuju vobłaść całkam užo da kastryčnika, inšyja ž śćviardžajuć, što heta budzie vielmi ciažki i niapeŭny praces.
Raniej Reuters apublikavała ŭmovy Pucina pa spynieńni vajny. Siarod ich — patrabavańnie, kab ukrainskija vojski vyjšli z terytoryj Danieckaj i Łuhanskaj abłaściej.
Dziaržaŭny sakratar ZŠA Marka Rubia padkreśliŭ, što Vašynhton nie budzie prymušać Kijeŭ admaŭlacca ad svaich ziemlaŭ u abmien na mir. U svaju čarhu, prezident Ukrainy Uładzimir Zialenski zajaviŭ, što havorka moža iści tolki pra najaŭnuju liniju frontu, a Kanstytucyja Ukrainy nie dazvalaje addavać abo abmieńvać terytoryi.
Praz sankcyi rasijskaj delehacyi daviałosia na Alascy apłačvać paliva dla samalotaŭ hatoŭkaj. A heta sotni tysiač dalaraŭ
Stała viadoma, kali siońnia adbudziecca sustreča Trampa, Zialenskaha i lidaraŭ ES
«Kali zachoča, Zialenski moža amal imhnienna skončyć vajnu z Rasijaj» — Tramp napisaŭ novy dopis
«Kaalicyja zhodnych» hatovaja raźmiaścić vojski va Ukrainie paśla spynieńnia ahniu
Abaviazacielstvy Rasii nie napadać na Jeŭropu i Ukrainu musiać raspaŭsiudžvacca i na Biełaruś
Kamientary