Budaŭnictva zavoda pa pierapracoŭcy śmiećcia na palihonie «Traścianiecki» zavieršana, ciapier tam vykonvajucca puska-naładačnyja raboty, raskazaŭ hienieralny dyrektar pradpryjemstva «Minskbud» Alaksandr Cierachaŭ.
— Heta sapraŭdy doŭhačakany abjekt, — padkreśliŭ A. Cierachaŭ. — Sistema abychodžańnia z adkidami ŭ stalicy sfarmiravana ŭžo nie pieršy hod. A budaŭnictva takoha zavoda — patrabavańnie času, tamu my vielmi rady, što hetaje pradpryjemstva apynułasia ŭ partfieli zakazaŭ našaj arhanizacyi. Siońnia abjekt pabudavany, pravodziacca puska-naładačnyja raboty.
Pavodle słoŭ hienieralnaha dyrektara «Minskbud», budaŭnictva zavoda — čarhovy krok u ekałahičnym padychodzie da abychodžańnia z adkidami ŭ horadzie. Tam praduhledžana vykanańnie ručnoj sarciroŭki na pačatkovym etapie z nastupnym paŭaŭtamatyčnym padziełam druhasnych materyjalnych resursaŭ pa vidach i, u vyniku, z vydzialeńniem RDF-paliva.
— Abjekt dazvolić zabiaśpiečyć bolš šyrokaje ŭklučeńnie druhasnych materyjalnych resursaŭ u haspadarčy abarot, — adznačyŭ A. Cierachaŭ.
Brat biełaruskaj karalevy pryhažości trapiŭ u reanimacyju ŭ Azierbajdžanie3
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary