Abnaviŭsia rejtynh najmacniejšych tenisistak śvietu.
Pieršaja rakietka śvietu, biełaruska Aryna Sabalenka maje na svaim rachunku 12 420 bałaŭ. Na druhim miescy amierykanka Kako Haŭf 7669 bałaŭ.
Na trecim miescy polskaja tenisistka Iha Śviontak, jakaja vyjhrała ŭ subotu Uimbłdonski turnir, u jaje 6813 bałaŭ. Aryna prajhrała ŭ paŭfinale Uimbłdona.
Adryŭ Sabalenki ad druhoha miesca składaje 4751 bałaŭ. Heta vielizarny adryŭ.
Pieramoha na tenisnych turnirach daje 500 i 1000 bałaŭ, na turnirach «Vialikaha šlemu» (Adkryty čempijanat Aŭstralii, Rałan Haros, Uimbłdon, jakija ŭžo prajšli ŭ hetym hodzie, i US Open, jaki projdzie ŭ vieraśni) — 2000 bałaŭ.
Sabalenka stała druhoj u historyi tenisistkaj, jakaja nabrała bolš za 12 000 rejtynhavych bałaŭ. U 2013 hodzie ŭ Siereny Uiljams było 13 615.
U rejtynhu najmacniejšych tenisistaŭ mužčyn pieršaje miesca ŭ italjanca Janika Siniera — 12 030 bałaŭ. Jon učora vyjhraŭ Uimbłdon u Karłasa Alkarasa. Ispaniec maje 8 600 bałaŭ. Na trecim miescy niemiec Saša Źvieraŭ z 6 310 bałami.
Kamientary