U VNU Biełarusi startuje asnoŭny pryjom dakumientaŭ ad abituryjentaŭ. Pryjom dakumientaŭ na biudžet praciahniecca da 17 lipienia, piša BiełTA.
Z 18 pa 25 lipienia projduć unutranyja ŭstupnyja vyprabavańni. Zaličeńnie na biudžet zavieršycca 27 lipienia.
Pryjom dakumientaŭ na płatnuju formu taksama startuje siońnia, praciahniecca jon da 1 žniŭnia, pry hetym tyja, chto zdaje ŭnutranyja ŭstupnyja vyprabavańni va ŭstanovach, pavinny padać dakumienty da 17 lipienia. Zaličeńnie płatnikaŭ zavieršycca 3 žniŭnia.
Heta datyčycca asnoŭnaha błoka śpiecyjalnaściej, ich pieravažnaja bolšaść. Pry hetym jość peŭnyja varyjacyi ŭ terminach dla niekatorych śpiecyjalnaściej.
Tak, dla asobnych śpiecyjalnaściej siłavoha błoka pryjom dakumientaŭ na biudžet projdzie z 12 pa 19 lipienia, ustupnyja vyprabavańni tam adbuducca 20—21 lipienia, zaličeńnie — da 22 lipienia.
Vypuskniki piedahahičnych, spartyŭna-piedahahičnych kłasaŭ, a taksama Nacyjanalnaha dziciačaha technaparka padajuć dakumienty na biudžet z 12 pa 14 lipienia, ich zaličać da 27 lipienia.
Dla sielskahaspadarčych śpiecyjalnaściej (dzionnaja biudžetnaja forma) aktualnyja nastupnyja terminy: padača dakumientaŭ — 12—19 lipienia, praviadzieńnie ŭnutranych ustupnych vyprabavańniaŭ — 20—25 lipienia, zaličeńnie — da 27 lipienia.
Na płatnaje adździaleńnie abituryjenty sielhasśpiecyjalnaściej, jakija zdajuć unutranyja ustupnyja vyprabavańni, padajuć dakumienty 12—19 lipienia, u tych, chto nie zdaje, pryjom dakumientaŭ praciahniecca da 2 žniŭnia, zaličeńnie ŭ abiedźviuch katehoryj projdzie da 3 žniŭnia. Pryjom i zaličeńnie ŭ sielskahaspadarčyja VNU na zavočnaje adździaleńnie projduć da 20 śniežnia.
Usiaho ŭstanovy vyšejšaj adukacyi krainy prymuć kala 50,6 tys. abituryjentaŭ, pry hetym 31,4 tys. — na biudžet, 19,2 tys. — na płatnaj asnovie.
U 2025 hodzie biełaruskija VNU hatovyja pryniać kala 48,3 tys. pieršakurśnikaŭ, pryčym na biudžetnuju formu navučańnia — kala 31,8 tys. studentaŭ. Siarod ich bolš za 7,5 tys. (23,6%) — budučyja inžyniery, 3,9 tys.(12,3%) — piedahohi, 3,4 tys. (10,8%) — miedyki, 2,8 tys. (8,9%) — ahrarniki. Jašče kala 16,4 tys. čałaviek pastupiać na płatnuju formu atrymańnia adukacyi. U hetym hodzie ŭ krainie z 11-ch kłasaŭ vypuścilisia bolš za 56 tys. čałaviek.
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary