Padčas hałoŭnych uračystaściej ŭ Budsłavie katalickija biskupy Biełarusi zaprasili Lva XIV ździejśnić apostalski vizit u krainu, pišuć «Naviny Vatykana».
Zaprašeńnie pantyfiku było ahučana padčas uračystaściej u honar Maci Božaj Budsłaŭskaj.
U važnaj słužbie ŭziali ŭdzieł apostalski nuncyj, arcybiskup Ińjacya Čefalija, usie biełaruskija katalickija biskupy, a taksama šmatlikija vierniki. Prybyła taksama hrupa viernikaŭ z dyjacezii śviatoha Klemiensa ŭ Saratavie (Rasija) razam sa svaim biskupam Klemiensam Pikielem.
Va ŭračystaściach uziali ŭdzieł pradstaŭniki dziaržaŭnych uład, tradycyjnych relihij Biełarusi, a taksama dypłamatyčnych misij.
Źviartajučysia da apostalskaha nuncyja, staršynia biełaruskaha jepiskapatu Juzaf Stanieŭski paprasiŭ jaho pieradać Lvu XIV ciopłaje synoŭskaje pryvitańnie i zapeŭnieńnie ŭ malitoŭnaj pamiaci pra jaho.
«My zaprašajem i ź nieciarplivaściu čakajem Papu Lva XIV u Biełarusi. My sardečna jaho zaprašajem», — dadaŭ jon.
Kamientary