Pradprymalnika z Navapołacka buduć sudzić za razdrableńnie biznesu
Pradprymalnik z Navapołacka, jaki zajmaŭsia biznesam u śfiery adpačynku i zabaŭ (jon vałodaŭ sietkaj kaviarniaŭ, trenažornych załaŭ, spa-sałonam i spartyŭna-zabaŭlalnym kompleksam), nie dapłaciŭ u biudžet bolš za 1,2 miljona rubloŭ padatkaŭ, paviedamlaje pres-słužba Śledčaha kamiteta.
Spačatku pradprymalnik zarehistravaŭ adnu firmu i karystaŭsia sproščanaj sistemaj padatkaabkładańnia. Ale kali jahony prybytak staŭ nabližacca da maksimalna dapuščalnaha dla hetaj sistemy, jon aformiŭ jašče čatyry kampanii, na jakija pieranios častku dziejnaści. Usie hetyja firmy taksama naležali jamu i kantralavalisia im asabista.
Takija dziejańni byli pryznanyja niezakonnymi, bo pradprymalnik śviadoma vykarystaŭ takuju schiemu, kab źmienšyć padatki. U vyniku suprać jaho raspačali kryminalnuju spravu za ŭchileńnie ad vypłaty padatkaŭ u asabliva bujnym pamiery (č. 2 art. 243 KK Respubliki Biełaruś).
Častku naniesienaj škody jon užo kampiensavaŭ.
Kamientary