U jakich krainach Jeŭrasajuza samyja darahija i samyja tannyja pradukty?
Pa apošnich danych Jeŭrastata, samaj darahoj krainaj ES pa cenach na pradukty charčavańnia akazaŭsia Luksiemburh, a Finlandyja lidziruje pa cenach na ałkaholnyja napoi, piša Euronews.
Inflacyja ŭ Jeŭrasajuzie u 2015 hodzie składała 0,1%, a da 2024 hoda dasiahnuła 2,6%. U minułym hodzie samyja vysokija tempy inflacyi siarod krain ES byli zafiksavanyja ŭ Rumynii — 5,8%, Bielhii — 4,3% i Charvatyi — 4,0%.
Ceny na pradukty charčavańnia i biezałkaholnyja napoi byli vyšejšyja za ŭsio ŭ Luksiemburhu — na 25% bolšyja za siarednija pa ES; za im idzie Danija — na 20% vyšejšyja za siarednija.
Samyja nizkija ceny ŭ siarednim — u Rumynii. Niahledziačy na lidarstva pa inflacyi, rumynskija ceny ŭsio adno na 24% mienšyja za siaredni ŭzrovień. U nastupnaj za joj Słavakii — na 17%.
Samy darahi ałkahol byŭ u Finlandyi. Biezałkaholnyja napoi najtańniejšyja ŭ Italii, a tytuń — u Bałharyi.
Kali razhladać kankretnyja pradukty, to ŭ Danii samyja darahija chleb i ryba, u Luksiemburhu — miasa, a na Kipry — małočnyja pradukty. Naadvarot, samaje tannaje małako — u Słavakii, a ryba — u Rumynii.
Pry hetym adznačajecca, što ŭ apošnija hady roźnica ŭ cenach na pradukty charčavańnia i biezałkaholnyja napoi zhładžvajecca, a na ałkahol i tytuń, naadvarot, pavialičvajecca.
Ciapier čytajuć
Łukašenka zahavaryŭ pra prarasijskaść Cichanoŭskaha, bajučysia nazvać jaho imia40
Kamientary