U Biełarusi pradajuć łaźniu na kołach, pabudavanuju na bazie staroha «Miersiedesa». Kolki prosiać?
Mnohija zadajucca pytańniem, ci zdolny mikraaŭtobus prajści techahlad.
Łaźnia na kołach zroblena na bazie hruzapasažyrskaha mikraaŭtobusa Mercedes-Benz 1993 hoda vypusku. Za mašynu z hruzavym adsiekam, pieraroblenym u łaźniu, prosiać 6900 dalaraŭ.
Kali hrošaj adrazu niama, łaźniu na kołach možna nabyć u kredyt na piać hadoŭ bieź pieršapačatkovaha ŭznosu z vypłataj kala 540 rubloŭ na miesiac.
32-hadovy mikraaŭtobus niadaŭna byŭ pieravarany i pierafarbavany. Praŭda, navat pa videa bačna, što kuzaŭny ramont vykanany davoli nieachajna.
Ale heta, napeŭna, nie samaje važnaje dla takoha transpartu. Hałoŭnaja fiška hetaha Mercedes-Benz — łaźnia daŭžynioj dva mietry.
Łaźnievy adsiek abšyty drevam, zrobleny dźvie łaŭki, a pasiaredzinie, bližej da zadnich dźviarej, staić pieč.
Błohier ź niknejmam _k.kirill1, jaki zrabiŭ ahlad na hetaje aŭto na placoŭcy aŭtakamisa, kaža, što ŭ hetaj łaźni z kamfortam moža adpačyvać kampanija ź piaci-šaści čałaviek, a taksama pakazaŭ, jak harać drovy i vychodzić dym z truby.
Pasažyrskaja častka mikraaŭtobusa raźličana na kiroŭcu i šeść pasažyraŭ. Praŭda, prynamsi adnamu z pasažyraŭ siadzieć budzie dakładna nie zručna, bo nižniaja častka siadzieńnia vyhladaje pałamanaj.
Videa nabrała bolš za 270 tysiač prahladaŭ i šmat kamientaryjaŭ. Mnohija zadajucca pytańniem, ci nie ŭźniknie prablem ź pieraafarmleńniem hetaha aŭto ŭ DAI, a taksama, ci zmoža jano prajści techahlad.
Niekatoryja ličać, što prajechać na hetym Mercedes-Benz atrymajecca tolki da pieršaha inśpiektara DAI.
Niekalki kamientataraŭ nazvali hety mikraaŭtobus nie łaźniaj, a krematoryjem na kołach.
Taksama ludzi ŭkazvajuć na nizkuju jakaść kuzaŭnych rabot i na toje, što praz hod hety «Mersedes» znoŭ budzie patrabavać zvaračnych rabot, a taksama, što dla kampanii z 5-6 čałaviek tam budzie ciesna, jany ryzykujuć aparyć kaleni ab piečku.
-
Pa darozie sa Šviecyi ŭ Biełaruś mašyna zhubiła minimum 300 tysiač kiłamietraŭ prabiehu — ciapier jaje pradajuć za $15 tysiač
-
Za paŭhoda pravoŭ pazbavili bolš za 10 tysiač kiroŭcaŭ
-
Biełarus, jaki pastajanna žyvie za miažoj, pryvioz ź ES mašynu i pakinuŭ baćkam. Jaje zabrali i zapatrabavali «poŭnaj razmytnioŭki»
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary