Pa hałoŭnym pakazčyku ekanamičnaha raźvićcia našy susiedzi paraŭnalisia z krainaj, jakaja doŭhi čas była ŭzoram pośpiechu.
Pa acenkach Mižnarodnaha valutnaha fondu, u 2025 hodzie vałavy ŭnutrany pradukt Litvy na dušu nasielnictva ŭ pieraliku pa parytecie kupčaj zdolnaści pierasiahnie 57 000 dalaraŭ. Heta prykładna na 1000 bolš, čym anałahičny pakazčyk Izraila. Polšča zusim trochi adstaje. Jaje ličba pieravysić 55 000 dalaraŭ.
U naminalnym vyražeńni VUP Izraila zastajecca vyšejšy: 58 000 proci 31 000 u Litvy i 27 000 u Polščy — ale tam značna vyšejšyja i ceny, tamu pry pieraliku ŭ parytecie kupčaj zdolnaści krainy ŭžo vyraŭnalisia.
Heta vynik stabilna vysokaha rostu ekanomik Litvy i Polščy za dva dziesiacihodździ paśla ŭvachodžańnia ŭ Jeŭrasajuz i NATA.
Dla paraŭnańnia: VUP Biełarusi na dušu nasielnictva składaje 8000 u naminale, abo 34 000 u pieraliku pa kupčaj zdolnaści, na dźvie treci mienš, čym u Litvie, ź jakoj naša kraina była na adnym uzroŭni ŭ momant raspadu SSSR.
Pa danych nacyjanalnych statystyčnych kamitetaŭ, u 2024 hodzie VUP Biełarusi vyras na 4%, Litvy — na 2,8%, VUP Polščy — na 3,2%.
Z dapamohaj jeŭrasajuzaŭskich «fondaŭ vyroŭnivańnia» Litva i Polšča padciahnulisia i, pry vyličeńni ŭ parytetnych cenach, paraŭnalisia ź Ispanijaj, abahnaŭšy Partuhaliju i Hrecyju. Pry vyličeńni ŭ naminalnaj vieličyni ad Ispanii jany ŭsio jašče adstajuć.
Pakazčyki Łatvii značna horšyja, jana istotna adstaje ad paŭdniovych susiedak i ŭvachodzić u hrupu samych biednych krain ES razam z Bałharyjaj i Hrecyjaj.
Pośpiech našych susiedziaŭ palapšaje šancy i Biełarusi na dynamičnaje raźvićcio ŭ vypadku narmalizacyi biełaruska-jeŭrapiejskich adnosin.
Ciapier čytajuć
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu7
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary