ZŠA prypynili pastaŭki niekatorych zienitnych rakiet i inšych vysokadakładnych bojeprypasaŭ va Ukrainu praz bojaź, što zapasy Pientahona zanadta skaracilisia, piša vydańnie Politico sa spasyłkaj na krynicy.
Pa ich danych, rašeńnie było pryniata pa inicyjatyvie kiraŭnika palityčnaha adździeła amierykanskaha vajennaha viedamstva Ełbrydža Kołbi paśla pravierki pakinutych zapasaŭ.
Pastanova ab prypynieńni častki dapamohi, abiacanaj jašče administracyjaj eks-prezidenta ZŠA Džo Bajdena, była pryniataja ŭ pačatku červienia, ale ŭvajšła ŭ dziejańnie tolki ciapier — u toj momant, kali Kijeŭ adbivaje masiravanyja rasijskija ŭdary pa cyvilnych abjektach, piša Politico.
Namieśnica pres-sakratara Biełaha doma Anna Kieli zajaviła, što pastanova «była pryniataja z metaj pastavić intaresy Amieryki na pieršaje miesca paśla pierahladu Ministerstvam abarony vajskovaj padtrymki i dapamohi našaj krainy inšym krainam va ŭsim śviecie».
«Siła Uzbrojenych Sił ZŠA zastajecca biassprečnaj — spytajcie pra heta Iran», — cytuje jaje vydańnie.
«Heta rašeńnie było pryniata, kab pastavić intaresy Amieryki na pieršaje miesca, paśla taho jak Ministerstva abarony praviało ahlad vajennaj padtrymki i dapamohi, jakaja akazvajecca našaj krainaj inšym krainam pa ŭsim śviecie», — paviedamiła jana ŭ elektronnym liście AFP.
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali6
Kamientary
Trampu treba trochi padtrymać ruski bok, kab nie kinuli vajavać.
A budzie treba - ukraincaŭ trochi padtrymajuć.
Vajna pavinna praciahvacca. Mast hou on, jak tam kažuć.
Niesiot mierzosťju i hnilju za kiłomietr.....