«Urad u vyhnańni — heta karhakult». Palitołah Andrej Jahoraŭ krytykuje Ofis Cichanoŭskaj
Andrej Jahoraŭ miarkuje, što ruch apazicyi pavinien byŭ raźvivacca ŭ inšy bok — nie da pastajannaha zamacavańnia asobnych fihur, a da samarestrukturyzacyi.
Śpikier Kaardynacyjnaj rady minułaha sklikańnia, palitołah Andrej Jahoraŭ krytykuje sučasny padychod biełaruskaj apazicyi da baraćby z aŭtarytarnym režymam Alaksandra Łukašenki. U razmovie ź Biełaruskaj słužbaj Polskaha radyjo dziejač vykazaŭ mierkavańnie, što pavodziny kamandy Cichanoŭskaj apošnich hadoŭ nahadvajuć «palityku tysiačy zamiežnych vizitaŭ», ale nie «palityku tysiačy ŭdaraŭ pa režymie», paviedamlaje Biełaruskaja słužba Polskaha radyjo.
«Biełaruskaja apazicyja syšła ŭ vielmi abmiežavanuju stratehiju: sankcyi, raspracoŭka reformaŭ u stoł, dapamoha achviaram. Ale hetaha niedastatkova, kab zrušyć režym. My zakansiervavalisia ŭ vobrazie achviary i hublajem subjektnaść», — adznačyŭ Jahoraŭ.
Na jaho dumku, paśla 2020 hoda demakratyčnyja siły stracili mahčymaść upłyvać na ŭnutrypalityčnuju situacyju, i zamiest taho, kab pryznać heta, praciahnuli budavać simvaličnyja kanstrukcyi, jak, naprykład, «ŭrad u vyhnańni». «Kali my havorym pra Kabiniet, to treba ščyra pryznać: heta nie ŭrad u vyhnańni, a heta bolš nahadvaje karhakult», — zajaviŭ palityk.
Jahoraŭ miarkuje, što ruch apazicyi pavinien byŭ raźvivacca ŭ inšy bok — nie da pastajannaha zamacavańnia asobnych fihur, a da samarestrukturyzacyi. «Zamiest lehitymacyi adnaho lidarstva treba było budavać sistemu źmiennaj adkaznaści, demakratyčnych pracedur, strymak i procivahaŭ. Inakš demakratyja pieraŭtvarajecca ŭ demakraturu», — padkreśliŭ jon.
Ekśpiert prapanuje aryjentavacca na dośvied sijanisckaha ruchu kanca XIX stahodździa.
«Habrei, nie majučy dziaržavy, stvaryli dakładnuju, łakaničnuju prahramu — Bazelskuju dekłaracyju. Jana składałasia z čatyroch punktaŭ: hurtavańnia mihracyi, samaarhanizacyja, kulturnaja praca i mižnarodnaja padtrymka. My pavinny zrabić niešta padobnaje dla biełarusaŭ», — adznačyŭ Jahoraŭ.
Palityk taksama źviarnuŭ uvahu, što šmat u čym biełarusy ŭsio jašče hladziać na rečaisnaść praz pryzmu rasijskaha ŭpłyvu. «Nam treba pazbavicca maskoŭskaj optyki. Pakul my nie pieramožam Maskvu ŭ svajoj hałavie, Biełaruś nie stanie samastojnaj», — skazaŭ jon, zhadaŭšy viadomy zaklik fiłosafa Uładzimira Mackieviča: «Maskva pavinna być razburana — pierš za ŭsio ŭ śviadomaści biełarusaŭ».
Andrej Jahoraŭ zaklikaje da asensavańnia novaj realnaści, u jakoj biełarusy musiać isnavać jak nacyja ŭ vyhnańni, biez kantrolu nad ułasnaj terytoryjaj.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m38
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1212
Kamientary
Da taho ŭžo vykarystoŭvalisia "razumnyja" słovy "padzialicca lehitymnaściu".
Praktyčny prykład takoha ž kroku majem u niadaŭniaj historyi: paśla taho, jak prydumali zamiest Milinkoviča "ratacyju lidaraŭ" (jašče adny "razumnyja słovy"), ź biełaruskaj apazicyjaj amal pierastali ŭzajemadziejničać u śviecie.
2. Jahoraŭ kaža pra Kabiniet jak "karhakult", "simvaličnyja kanstrukcyi".
Kaardynacyjnaja Rada, śpikieram jakoj byŭ Jahoraŭ, sama jość takaja simvaličnaja kanstrukcyja, protaparłamient. Jany sami heta pryznajuć i nie pužajucca taho.
Umoŭny "ŭrad va vyhnańni" taksama simvaličnaja kanstrukcyja pa aznačeńniu.
Kali realnaj ułady niama, usie anałahi dziaržaŭnych struktur, jakija robić apazicyja (luboj krainy) - simvaličnyja, niapoŭnavartasnyja. Takija startavyja "umovy hulni" i krytykavać tut - jak krytykavać realnaść.
3. «Palityka tysiačy zamiežnych vizitaŭ». Vizity - nieabchodnaja dypłamatyčnaja funkcyja. Kali źniščyć i jaje, lepš dakładna nie budzie.
4. Što prapanoŭvaje Jahoraŭ? "Palityka tysiačy ŭdaraŭ pa režymie". Hučyć pryhoža, ale što dakładna? Nie kaža.
Toje, što kaža: vykarystoŭvać "dośvied sijanisckaha ruchu kanca XIX stahodździa", razburyć Maskvu ŭ śviadomaści biełarusaŭ, asensavać novuju realnaść nacyi ŭ vyhnańni.
Heta słušna, adnak nie novaje. I heta tolki saviety, što treba zrazumieć, a nie što rabić. I dakładna heta zusim nie "tysiača ŭdaraŭ pa režymie".
5. Uvohule nie razumieju, jakuju spravu robiać mietadysty - vučeńnia maskoŭskaha (darečy!) pachodžańnia.
Kali i kažuć niešta słušnaje, naprykład, "pazbavicca maskoŭskaj optyki", tak toje nieabaviazkova vynikaje ź ich "vučeńnia", hety saviet vidavočny i tak.
Na moj pohlad, drenna, kali sensy praźmierna zabłytvajucca, naturalna abo naŭmysna, i ich treba razbłytvać (nie kažu pra papulisckaje spraščeńnie), jak z hetaj pramovaj Jahorava.