Kiraŭnica niezarehistravanaha Sajuza palakaŭ Biełarusi Anžalika Borys zaklikaje biełaruskija ŭłady vyzvalić asudžanaha na vosiem hadoŭ žurnalista, aktyvista Andžeja Pačobuta.
«Sajuz palakaŭ na siońnia naličvaje kala 12 000 členaŭ. My viadziem centry pa vyvučeńni polskaj movy na terytoryi Biełarusi, kłapocimsia pra miescy pamiaci. My ŭdziačnyja ŭradu Biełarusi za mahčymaść vykładać polskuju movu.
My — palaki, hramadzianie Biełarusi, i nam vielmi važnyja dobryja adnosiny i dyjałoh, u Biełarusi pražyvaje bolš za 300 000 palakaŭ, sprava polskaści ŭ Biełarusi zaŭsiody była dla Sajuza palakaŭ spravaj našaha žyćcia. Andžej Pačobut — naš kaleha i aktyvist, člen hałoŭnaha praŭleńnia SPB, žurnalist. Jon nikoli nie byŭ «apazicyjanieram», i my vielmi prosim ułady ŭ Minsku vyzvalić jaho!!!» — napisała Borys u fejsbuku.
Hrodzienskaha žurnalista Andžeja Pačobuta zatrymali 25 sakavika 2021 hoda, a ŭ lutym 2023 hoda prysudzili da 8 hadoŭ kałonii ŭzmocnienaha režymu za nibyta raspalvańnie varožaści i zakliki da sankcyj. Pačobut adbyvaje termin u kałonii ŭ Navapołacku.
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary