Za 2025 hod u Biełarusi ŭžo zatrymali 14 čałaviek za špijanaž i dziaržaŭnuju zdradu
Cierciel raskazaŭ pra supraćdziejańnie śpiecsłužbam kalektyŭnaha Zachadu, jakija viaduć raźviedku z kosmasu i praz ahienturu.
Pra heta Staršynia KDB Biełarusi Ivan Cierciel raspavioŭ BiełTA.
«Adznačajem u hetaj situacyi najbolš vostruju prablemu, źviazanuju z supraćdziejańniem zamiežnym śpiecsłužbam. Kalektyŭny Zachad naceleny na toje, kab stvaryć peŭnuju asnovu i ŭ našym hramadstvie, i ŭ pierśpiektyvie — pry mahčymym uzbrojenym kanflikcie — dla vyrašeńnia ŭsich pytańniaŭ na svaju karyść.
Masiravanaja raźviedvalnaja dziejnaść pa našaj terytoryi viadziecca jak z vykarystańniem kosmasu, radyjoraźviedki, tak i, kaniečnie ž, ahienturnaj raźviedki. Niahledziačy na ŭsie prasunutyja technałohii, jana źjaŭlajecca asnovaj dla pracy luboj raźviedki śvietu», — adznačyŭ staršynia KDB.
Jon paviedamiŭ, što tolki z pačatku hetaha hoda jaho viedamstvam spyniena dziejnaść 14 asobaŭ.
«Heta hramadzianie Respubliki Biełaruś i zamiežnyja hramadzianie, jakija ažyćciaŭlali dziejnaść, źviazanuju sa špijanažam (heta tyčycca zamiežnikaŭ) i zdradaj dziaržavie (kali havorka pra hramadzian Respubliki Biełaruś)», — zajaviŭ Ivan Cierciel.
Pavodle jaho słoŭ, hetyja asoby viali ahienturnuju raźviedku na terytoryi Biełarusi, ažyćciaŭlali raźviedku abjektaŭ vajennaj infrastruktury, čyhunki. Taksama byli sproby ahienturnaha praniknieńnia na pradpryjemstvy abaronnaha kompleksu.
«My zatrymlivali zamiežnych hramadzian krain Zachodniaj Jeŭropy, šerahu inšych», — udakładniŭ kiraŭnik viedamstva.
Kamientary