Tak žyli bahatyja minčuki 90-ch. Pradajuć kvateru ŭ domie dla partyjnaj elity
Hety dom na Čarviakova, 4 u Minsku budavaŭsia dla partyjnaj elity. U im tolki troch– i čatyrochpakajovyja kvatery. A ŭ kvaterach pieršapačatkova zaprajektavanyja kabiniety. Ciapier pradajecca adna ź ich, piša Realt.
Heta rajon Staražoŭki, amal centr horada, adkul pieššu možna dajści da Trajeckaha pradmieścia, parka Pieramohi i Niamihi.
Dzieviacipaviarchovik pabudavali ŭ 1971 hodzie pa prajekcie architektaraŭ Voinava i Filimonava. Zabudoŭščyk — Upraŭleńnie spravami CK KPB. Žyllo budavałasia dla partyjnych rabotnikaŭ. I miarkujučy pa ŭsim — dla kirujučych.
U kožnym padjeździe tut naličvajecca ŭsiaho pa 17-18 kvater — heta značyć, pa dźvie kvatery na pavierch. U šmatpaviarchoviku adsutničajuć adnapakajoŭki i dvuchpakajoŭki. Usie kvatery tut vyklučna vialikaha mietražu — tolki troch– i čatyrochpakajovyja.
U kvaterach — vysokija stoli (2,7 mietra), vialikija vokny, prastornyja kuchni i asobnyja haścinyja. A jašče ŭ kožnaj kvatery tut byŭ praduhledžany pracoŭny kabiniet.
Adna z takich kvater ciapier pradajecca. Heta čatyrochpakajoŭka na 129,8 kvadrata na siomym paviersie.
U haścinaj płoščaj 37 kvadratnych mietraŭ — parkiet, draŭlanaja mebla, dekaratyŭny kamin, žaluzi, a taksama televizar i muzyčny centr.
Z haścinaj — vychad na łodžyju ź vidam na park Pieramohi i Śvisłač.
Kuchnia taksama vielizarnaja — 17,5 kvadrata. I ŭ joj taksama atmaśfiera 90-ch. Tut i draŭlany harnitur, i plitka na ścienach.
U spalniach — taksama atmaśfiera 90-ch. U adnym z pakojaŭ jość nie tolki televizar, ale i vidzik.
Z kabinieta — vychad na łodžyju ź vidam na zialony dvor.
Sanvuzieł u kvatery raździelny. U prybiralni — asabisty śmiećciepravod.
Prosiać za takuju kvateru 184 tysiačy dalaraŭ. Mietr atrymlivajecca 1418 dalaraŭ.
Ale haspadary hatovyja da handlu.
Ciapier čytajuć
U archivach SBU znajšlisia dakumienty, jak savieckija śpiecsłužby zavierbavali emisara AUN, ale ŭkrainskaje padpolle heta vykryła i zabiła zdradnika77
Kamientary
[Zredahavana]