«Vam pryjdziecca vučycca». Łukašenka paraŭnaŭ biełaruskuju dyktaturu z amierykanskaj demakratyjaj
U intervju telekanału Russia Today Alaksandr Łukašenka paraŭnaŭ biełaruskuju dyktaturu z amierykanskaj demakratyjaj. Paraŭnańnie vyjšła nie na karyść ZŠA, bo sapraŭdnaja demakratyja, na jaho dumku, jakraz u Biełarusi.
Jak ličyć Łukašenka, niahledziačy na toje, što ŭ ZŠA rehularna mianiajucca prezidenty, ahulnaja palityka krainy istotna nie źmianiajecca. U toj ža čas u Biełarusi, maŭlaŭ, nazirajecca stabilnaje raźvićcio na praciahu mnohich hadoŭ, a ŭłada karystajecca padtrymkaj nasielnictva.
Prapahandyst RT Ryk Sančes u razmovie pastaviŭ pytańnie, ci sapraŭdy ZŠA možna ličyć uzoram demakratyi, kali mnohija prablemy zastajucca niaźmiennymi, a Biełaruś — dyktaturaj.
Łukašenka ŭ adkaz zajaviŭ, što, na jaho dumku, zachodniaja rytoryka pra demakratyju i pravy čałavieka časta nie adpaviadaje rečaisnaści. Jon abvinavaciŭ ZŠA ŭ vajennych dziejańniach u roznych rehijonach śvietu i śćviardžaŭ, što ŭ vyniku takich apieracyj hinuć mirnyja ludzi, u tym liku dzieci. U jakaści prykładu jon pryvioŭ paviedamleńni pra hibiel ludziej padčas udaraŭ na Blizkim Uschodzie:
«Vy hatovyja bambić, łamać, kryšyć, niahledziačy ni na jakija pravy čałavieka — heta asnova dyktatury».
Na hetaj padstavie jon skazaŭ, što hałoŭnaje prava čałavieka — heta prava na žyćcio, i kali jano parušajecca, to razmovy pra demakratyju, maŭlaŭ, hublajuć sens.
Taksama jon vykazaŭ dumku, što ZŠA dziejničajuć zychodziačy z ułasnych intaresaŭ, u tym liku ekanamičnych i enierhietyčnych, a nie z pryncypaŭ demakratyi. I dadaŭ, što ŭnutry samich ZŠA, na jaho dumku, taksama jość prablemy z realnaj demakratyjaj.
Mienavita tamu, maŭlaŭ, Biełaruś maje bolš «realnaj demakratyi» i pravoŭ čałavieka, čym u ZŠA:
«U nas — ja pra heta daŭno kazaŭ — demakratyi vam pryjdziecca vučycca. U nas u sto razoŭ hetaj demakratyi bolš, čym u vas. Realnaj demakratyi, realnych pravoŭ čałavieka… Pra jakija pravy čałavieka vy možacie razvažać, kali vy zabivajecie ludziej? Zabili čałavieka — jakija ŭ jaho pravy? Jon miortvy».
Łukašenka: Tramp pakazaŭ usiamu śvietu i sapraŭdnaje abličča ZŠA, i abmiežavanaść mahčymaściaŭ ZŠA
Łukašenka padpisaŭ zakon, jakim uvodzicca adkaznaść za «prapahandu» biaździetnaści i homaseksualizmu
«Raźbiaryciesia i pasadzicie. I ministra tudy». Łukašenka daŭ raznos svaim pryznačencam za splažanyja ŭhnajeńni
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć11
Kamientary