Cichanoŭski raskazaŭ, jak za dapamohu jamu asudzili inšaha viaźnia, što siadzieŭ nie za palityku
«Jon niedzie tam słovam padtrymaje, jašče niešta, stryžań mnie pieradavaŭ… A jaho za heta taksama karali».
Padčas pres-kanfierencyi błohier i były palitviazień Siarhiej Cichanoŭski raskazaŭ, što za palityku za kratami ciarpiać i tyja viaźni, jakija trapili pa niepalityčnych artykułach.
«U vas tam ličycca prykładna 1100 palitźniavolenych, ale jašče jość adna katehoryja, pra jakuju vy nie viedajecie zusim. Jość prosta źniavolenyja pa inšych artykułach, jakija sieli ŭ 2020 hodzie, naprykład, pa 328 (artykuł za narkotyki. — NN), i ŭ ich prafulik ekstremiscki. Heta ludzi, jakija mnie dapamahali, naprykład, i jany ekstremistami stali ŭžo tam. I treba im taksama dapamahčy, hetym ludziam. Ja vas prašu: hetych ludziej taksama treba vyciahvać», — zapłakaŭ Siarhiej Cichanoŭski, kali kazaŭ pra inšych viaźniaŭ.
Jon zhadaŭ adnaho z takich chłopcaŭ, jaki siadzieŭ pa 328-m artykule.
«Jon niedzie tam słovam padtrymaje, jašče niešta, stryžań mnie pieradavaŭ… A jaho za heta taksama karali. I paśla dajuć hety prafulik ekstremiscki, jaho adpraŭlajuć u kałoniju, jaho znoŭ u turmu… Jon užo dva razy ŭ turmie praz hety prafulik. Heta taksama ŭžo naš čałaviek, jaho treba ratavać».
Cichanoŭski dadaŭ, što šmat ludziej za kratami sprabavali dapamahać jamu.
Cichanoŭski raskazaŭ padrabiaznaści pra sustreču ŭ SIZA KDB u 2020 hodzie
«Napišy, što ty nie suprać, kab ciabie adpravili za miažu». Cichanoŭski raspavioŭ, jak da jaho pryjazdžaŭ Pratasievič
«Ja znachodziŭsia na režymie, jaki nazyvajecca «žestačajšym». Cichanoŭski praź ślozy raskazaŭ pra ŭmovy ŭtrymańnia palitviaźniaŭ
«Kažu — pryjedu i nikomu tam ruki nie padam». Cichanoŭski raskazaŭ, jak reahavaŭ na chłuśniu nakont žonki i apazicyi
Ciapier čytajuć
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie25
Kamientary