«Kažu — pryjedu i nikomu tam ruki nie padam». Cichanoŭski raskazaŭ, jak reahavaŭ na chłuśniu nakont žonki i apazicyi
Na pres-kanfierencyi Siarhiej Cichanoŭski raskazaŭ, jak za kratami jaho sprabavali pierakanać u chłuśni datyčna ofisa Cichanoŭskaj.
Pavodle słoŭ Cichanoŭskaha, niezadoŭha da vyzvaleńnia siłaviki pytalisia ŭ jaho pra płany na volnaje žyćcio:
«Što ty budzieš rabić, kali vyjdzieš? Ciabie ž žonka pačnie vazić, vadzić da žurnalistaŭ. Kažu im, što chaču sabie sabačku, kurak, chatniuju haspadarku, nie žadaju nijakaj palityki. Nasamreč chočacca niešta abniać, pahładzić mo niejkaha ščaniuka.
Pačaŭ im padavać hetuju infarmacyju, i jany padumali, što ja ŭžo trochi źjechaŭ z hłuzdu, jašče i daviedalisia, što mnie dajuć roznyja supakajalnyja tabletki… Zrazumieli, što ŭ Cichanoŭskaha situacyja ciažkaja».
Cichanoŭskamu davali dezynfarmacyju nakont apazicyi.
«Maŭlaŭ, ofis niezrazumieła čym zajmajecca, kraduć. Ja vam ščyra skažu: bolš sumlennaha i ščyraha čałavieka, čym Śviatłana, ja ŭ žyćci nie sustrakaŭ. Ja jaje miezienca nie varty, ja vam surjozna kažu. A jany raskazvali takija rečy, što prosta žach – i pra jaje, i pra ofis, i što dziarbaniać, niejkuju łuchtu. A ja siadžu i kažu: ja čuŭ, ja bačyŭ heta ŭ hazietach, čytaŭ, tak. Kažu — pryjedu i ruku tam nikomu nie padam, — skazaŭ jon. —
Da hetaha ja Łukašenku ŭ 2020-m nie padaŭ ruku, kali jon da mianie jaje ciahnuŭ, potym nie padaŭ Pratasieviču, kali jon pryjazdžaŭ. Nie padaŭ ruku tym ahientam KDB — kazaŭ, što karanavirus, niebiaśpiečna.
Hetyja chłopcy (siłaviki — NN) majuć nastolki nizki ŭzrovień intelekta, jany prosta idyjoty. I jany mianie vypuskajuć i dumajuć, što ja zaraz pryjedu i razład tut niejki zrablu».
Cichanoŭski kaža, što ŭvohule nie źbirajecca ŭmiešvacca ŭ pracu ofisa:
«Ja pačnu dziejničać tak, jak ja liču patrebnym. Ja sam centr, ja sam połymia, i kožny biełarus taksama pavinny tak dziejničać».
«Naša Niva» — bastyjon biełaruščyny
PADTRYMAĆCichanoŭski — biełarusam: «Kali vy čakali znak, to voś jon». Prachodzić pres-kanfierencyja z vyzvalenymi palitviaźniami
«My pavinny zmahacca suprać łukašyzmu». Pieršaja pramova Siarhieja Cichanoŭskaha na voli
«Ličinki v navoznoj kučie nie znajut, čto oni v dieŕmie». Cichanoŭski pračytaŭ svoj turemny vierš
Kamientary