«Biełarusijanizm — hučyć pryhoža». Volha Łojka prapanavała svaju nacyjanalnuju ideju
U novym vypusku analityčnaha TOKu ekanamičnaja ahladalnica Valha Łojka parazvažała ab tym, jakaja ideja moža abjadnać biełarusaŭ zamiežža z tymi, chto žyvie ŭ Biełarusi.
Niadaŭna Łukašenka znoŭ zapatrabavaŭ ad čynoŭnikaŭ vypracavać nacyjanalnuju ideju.
Volha Łojka zaŭvažaje, što «ŭ Łukašenki składana z abstraktnym myśleńniem, jamu składana samomu sfarmulavać, čaho jon choča, prykładny kirunak, jaki jon moh by bačyć u jakaści nacyjanalnaj idei» i dadaje, što šmat jakija nacyjanalnyja idei vielmi prostyja. Samyja viadomyja — heta amierykanskaja mara i izrailski sijanizm.
Łojka prapanoŭvaje: «Ja b, dapuścim, na miescy nas jak biełarusaŭ za miežami krainy taksama sfarmulavała b niejkuju nacyjanalnuju ideju, jaki-niebudź umoŭny taki biełarusijanizm z całkam kankretnym napaŭnieńniem. Heta i adzinaja dziaržava dla ŭsich biełarusaŭ jak meta, mara, i salidarnaść jak naša fiška, jakaja sapraŭdy ŭvajšła ŭžo ŭ anały, i jak salidarnaść dyjaspary ź vialikaj ziamloj».
U jakaści apošniaha ahladalnica pryvodzić inicyjatyvu «Maldzis» pa vykupie i pieradačy kulturnych kaštoŭnaściej Biełarusi.
Jašče adnym prajektam mahli b stać letnija matematyčnyja łahiery dla dziaciej, asabliva dla tych, chto apynuŭsia ŭ składanaj žyćciovaj situacyi abo pachodzić ź niapoŭnych siemjaŭ. Finansavacca takija letniki mohuć praź śpiecyjalny fond, stvorany IT-kampanijami. Pa słovach Łojki, užo ciapier takaja ideja abmiarkoŭvajecca siarod zamožnych biełarusaŭ.
«My vyvieziem 10 dziaciej za leta, jany prakačajuć svaje matematyčnyja skiły, pavučać movu, adpačnuć, biezumoŭna, viernucca ŭ Biełaruś, i ŭ hetym ničoha drennaha nie budzie. Ja nie dumaju, što dziaržava była b suprać», — davodzić ekśpiertka.
Jašče adna ideja — vydzialać stypiendyi dla navučańnia ŭ najlepšych suśvietnych VNU. Tym čynoŭnikam, kamu heta moža nie spadabacca, Łojka nahadvaje:
«Navat Michaił Huceryjeŭ pra heta havaryŭ. Chłopcy, kab nie dapuścić technałahičnaha adstavańnia, vielmi važna, kab maładyja rasijanie (jak i maładyja biełarusy) byli aktyŭnymi ŭ hetym navukovym, navučalnym asiarodździ.
Jašče adzin napramak — heta miedycynskaja dapamoha biełaruskim dzieciam: «Davajcie, dyjaspara voźmie niejkuju častku na siabie — «my tam vam hatovy dapamahčy niejkim abjomam zboru, niejkim svaim unioskam».
«Heta dla ŭsich biełarusaŭ, dla lubych biełarusaŭ. I ŭ hetym była b całkam sabie nacyjanalnaja ideja. Dosyć simpatyčnaja prynamsi. Pa mienšaj miery, u joj było b bačna niejkaje napaŭnieńnie», — davodzić ekanamičnaja ahladalnica i dadaje:
«Biełarusijanizm — hučyć pryhoža. Nie dla Łukašenki, kaniečnie».
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU7
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary