Indyjski miljarder pamior paśla taho, jak prahłynuŭ pčału padčas hulni ŭ poła
53-hadovy Sandžaj Kapur byŭ staršynioj praŭleńnia suśvietnaha vytvorcy aŭtamabilnych zapčastak Sona Comstar.
Indyjski miljarder Sandžaj Kapur pamior na hulni ŭ poła. Jon straciŭ prytomnaść padčas matču ŭ Vialikabrytanii, paśla taho jak prahłynuŭ pčału, što vyklikała sardečny prystup sa śmiarotnym zychodam, piša The Mirror.
Pčała ŭkusiła Kapura ŭ rot, što mahło spravakavać anafiłaktyčny šok, jaki pryvioŭ da spynieńnia serca.
Miedycynskija ekśpierty kažuć, što ŭnutranyja ŭkusy mohuć być śmiarotnymi, asabliva kali ŭ čałavieka nie dyjahnastavana alerhija. Ukus u horła abo dychalnyja šlachi moža vyklikać aciok, pierakryćcio dychalnych šlachoŭ, raptoŭnaje padzieńnie kryvianoha cisku i spynieńnie serca. Dakładnaja pryčyna śmierci ŭsio jašče vyśviatlajecca.
53-hadovy Sandžaj Kapur byŭ staršynioj praŭleńnia suśvietnaha vytvorcy aŭtamabilnych zapčastak Sona Comstar. Jon taksama byŭ dobra viadomy svajoj luboŭju da poła i hučnymi šlubami. Kaliści jon byŭ žanaty na zorcy Balivuda Karyšmie Kapur. Paźniej jana padała zajavu ab chatnim hvałcie, zajaviŭšy, što adnojčy muž syšoŭ hulać u poła, kali ich syn byŭ vielmi chvory.
Kapur, jaki rehularna naviedvaŭ karaleŭskija spabornictvy pa poła, byŭ pryjacielem prynca Uiljama.
Ciapier čytajuć
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary